Oǵan arnaıy baǵdarlama ornatylady.
Elimizde shegirtkege qarsy kúresý úshin drondar satyp alynady, dep habarlaıdy Almaty-akshamy.kz
Bul týraly premer-mınıstrdiń orynbasary Serik Jumanǵarın aıtty. Onyń pikirinshe, kelesi jyly shegirtkeniń taralý aımaǵy azaıady.
«2025 jyly Qazaqstanda shegirtkeniń taralý aýmaǵy azaıady dep úmittenemin. Endi olardyń taralý aımaǵy 2,5 mln gektar emes, odan da az bolady. Osyǵan kúsh salyp jatyrmyz. Tıisti jabdyqtardy satyp alamyz. 2025 jyldyń búdjetinde (satyp alynatyn) 100-ge jýyq dron eskeriledi. Osy tehnıkanyń jerdegi shegirtkeni anyqtaıtyn arnaıy baǵdarlamasy bolady. Osy arqyly zıankesterdi naqty anyqtap, olardy joıamyz.Aqtóbe oblysynda dronnyń qalaı jumys isteıtini kórsetildi. Osy derekten dronnyń tıimdi jumysyn baıqaýǵa bolady», - dedi Serik Jumanǵarın.