Densaýlyǵy myqty adamdardyń shashy erte aǵara qoımaıdy.
Shashqa aqtyń erterek túsýi kóbinese pıgmentasıa densaýlyǵy syr bergenin ańǵartady, – deıdi dermatovenerolog, trıholog Denıs Barbınov "Doktor Pıter" portalyna bergen suhbatynda. Keıde ata-ana alǵashqy aq shashty balada da kórip qalýy múmkin. Biraq bul óte sırek jaǵdaı, kóbinese 30-40 jasta shashqa aq túsedi. Kóptegen jyldar boıy ǵalymdar bul nemen baılanysty ekenin anyqtaýǵa tyrysty, dep habarlaıdy aqshamnews.kz.
Naqty jaýap berý áli de qıyn, biraq shashqa erte aq túsýi tuqymqýalaýshylyq bolmasa, trıhologqa barǵan jón.
Bizdiń shashymyzǵa melanosıt jasýshalary shyǵaratyn melatonın tús beredi. Pıgment azaıǵan kezde shash birtindep tússizdene bastaıdy. Egde jastaǵy adamdarda aq shash melanosıtterdiń tabıǵı qartaıýynan bolady, al jas adamdarda ártúrli jaǵdaılarǵa baılanysty jasýsha belsendiligi tómendeıdi.
Tuqymqýalaýshylyq
Shash 25 jasqa deıin aǵarsa, erte bolyp sanalady. Genetıka men aq shashtyń baılanysyn qazirgi ǵylymı zertteýler rastaıdy. Ulybrıtanıa ǵalymdary melanın óndirýge qatysatyn arnaıy IRF4 genin tapty.
Gormonaldy aq shash
Endokrındik júıe, eń aldymen qalqansha bezi de melanosıt jasýshalarynyń jumysyn retteıdi. Sondyqtan qalqansha beziniń kez kelgen buzylýy melanın deńgeıiniń tómendeýine jáne shash pıgmentasıasynyń joǵalýyna ákelýi múmkin. Qalqansha beziniń gormondaryn baǵalaý kerek.
Aýtoımmýndy aýrýlar
Shashtyń erte aǵarýy aýtoımmýndy aýrý saldary bolýy múmkin. Mysaly, selıakıı aýrýy – glútenge tózbeýshilik. Melanınniń jetispeýshiligi sonymen qatar adamdarda "taz daqtar" paıda bolatyn alopesıamen qatar júredi. Shash qaıta ósse de, túsin saqtaý qıyndaý.
Aýyr dert
Erte aq shash kóbinese vıtılıgo – teri pıgmentasıasynyń buzylýy bar naýqastarda baıqalady. Neırofıbromatoz – isikterdiń damýymen jáne teride qońyr daqtardyń paıda bolýymen qatar júretin tuqym qýalaıtyn aýrý.