Almatyda taksı júrgizýshisine qol kótergen jolaýshylar jazaǵa tartyldy.
Almatyda taksı júrgizýshisine qol kóterip, balaǵattaǵan eki jolaýshy jaýapkershilikke tartyldy, dep habarlaıdy aqshamnews.kz.
Oqıǵa osy sáýir aıynda bolǵan. Sot materıaldaryna sáıkes, taksı júrgizýshisi kólik ishinde shylym shekken jolaýshyǵa eskertý jasaǵan. Alaıda jolaýshy eskertýge qulaq asqysy kelmeı, júrgizýshiniń jelkesinen shapalaqpen uryp, balaǵat sózder aıtqan.
Sot sheshimi boıynsha, ol Qylmystyq kodekstiń 109-1-baby 1-bóligi (“Densaýlyqqa jeńil zıan keltirý”) boıynsha kináli dep tanylyp, 12 táýlikke qamaýǵa alyndy. Sonymen qatar, jábirlenýshige 100 myń teńge moraldyq ótemaqy tóleýge mindetteldi.
Al oqıǵaǵa qatysy bar ekinshi jolaýshy, júrgizýshini balaǵattaǵany úshin, 15 táýlikke ákimshilik qamaýǵa alyndy.
Aıta keteıik, sot úkimderi ázirge zańdy kúshine engen joq.