Jańa ereje sársenbi kúni kúshine enedi
1 maýsymnan bastap Qytaıdyń Shanhaı megapolısinde antıkovıdtik sharalar jeńildeıdi, dep habarlaıdy Almaty-akshamy.kz QazAqparat-qa silteme jasap.
COVID-19 profılaktıka jáne baqylaý shtaby málimetinshe, Shanhaıda turǵyn úı keshenderiniń turǵyndary úshin shekteýler alynyp jatyr. Orta jáne joǵary epıdemıologıalyq qaýip aımaǵyndaǵy turǵyndarǵa áli de syrtqa shyǵýǵa ruqsat joq. Jańa ereje sársenbi kúni kúshine enedi. Qoǵamdyq kólik jumysy (avtobýstar, paromdyq qatynas, taksı qyzmeti) qalpyna keltirilip jatyr. Qala ishinde qozǵalý úshin jeke avtokólikterdi qoldanýǵa ruqsat beriledi. Shanhaı bıligi qala turǵyndaryn jeke qorǵanys sharalaryn saqtaýǵa, qoǵamdyq oryndarda maska taǵýǵa, áleýmettik qashyqtyq saqtaýǵa, sondaı-aq koronavırýsqa qarsy vaksına alýǵa shaqyrady. Eske salaıyq, naýryz aıynyń sońynan beri Shanhaıdyń birneshe aýdany lokdaýn engize bastady. Birinshi sáýirden bastap búkil megapolıs jabyldy.