2025 jyly 4 shildede Almatyda China Eastern Airlines áýe kompanıasynyń Shanhaı – Almaty baǵytyndaǵy jańa tikeleı reısi iske qosylady. Bul oqıǵa eki megapolıstiń týrısik, mádenı jáne iskerlik baılanystaryn nyǵaıtý jolyndaǵy mańyzdy qadam bolmaq, dep habarlaıdy Almatynyń týrızm basqarmasy.
Alǵashqy reıs arqyly qalaǵa áýe kompanıa ókilderi, Qytaıdyń BAQ ókilderi men blogerleri kelmek. Bul joba Qytaıda keńinen nasıhattalyp, Almatynyń tanymaldylyǵyn arttyrýǵa sep bolmaq. İs-sharaǵa oraı qalanyń týrızm basqarmasy «Almatynyń sımvoly syılyqqa» aksıasyn uıymdastyryp, shaharǵa ushyp kelgen jolaýshylardy estelik kádesyımen qarsy alýdy josparlap otyr.
Jańa áýe baǵyty Almaty ákimdigi men China Eastern Airlines basshylyǵy arasyndaǵy 2025 jyldyń aqpan aıynda jasalǵan kelisimderdiń nátıjesinde júzege asqan. Aıta ketý kerek, bul kompanıanyń Ortalyq Azıaǵa alǵashqy reısi.
Jańa baǵyttyń iske qosylýy qalany qytaılyq týrıser men bıznes ókilderi úshin burynǵydan da qoljetimdi ete túspek. 2025 jyly alǵashqy toqsanynda Almatyǵa QHR-nan kelgen týrıser sany 20,9 myńnan asyp, ótken jyldyń osy kezeńimen salystyrǵanda 39,9% ósken.
Búginde Almatydan Beıjiń, Gýanchjoý, Sıan, Úrimji, Hanchjoý jáne Sanáǵa tikeleı áýe qatynasy bar. Jańa reıs osy baǵyttardy tolyqtyryp, eki el arasyndaǵy áýe qatynasynyń jıiligin arttyrady. Qazirgi tańda bul kórsetkish aıyna 150 reısten asady.