1 qyrkúıekten bastap aı saıynǵy memlekettik shákirtaqy mólsheri artady.
Tıisti tapsyrmany Memleket basshysy Qasym-Jomart Toqaev bergen bolatyn, dep habarlaıdy Almaty-akshamy.kz Úkimettiń baspasóz qyzmetine silteme jasap.
Atap aıtqanda,
- Bakalavrıat stýdentteriniń shákirtaqysy 20%,
- Magıstranttar men doktoranttardyń shákirtaqysy 15%,
- Tehnıkalyq jáne kásiptik bilim stýdentteriniń shákirtaqysy 50% arttyryldy.
Premer-Mınıstr Álıhan Smaıylov Úkimettiń tıisti qaýlysyna qol qoıdy.
Qaýlyda belgilengen shákirtaqy mólsheri tómendegideı:
- doktoranttarǵa (onyń ishinde «Densaýlyq saqtaý» baǵyty boıynsha) – 217 500 teńge;
- daıarlaýdyń «Densaýlyq saqtaý» baǵyty boıynsha rezıdent-dárigerlerge jáne magıstranttarǵa – 111 579 teńge;
- magıstranttarǵa – 97 024 teńge;
- ınternderge – 75 890 teńge;
- joǵary bilimniń bilim berý baǵdarlamalaryn iske asyratyn bilim berý uıymdarynda daıarlaýdyń pedagogıkalyq jáne «Densaýlyq saqtaý» baǵyttary boıynsha bilim alatyn stýdentterge – 67 200 teńge;
- daıarlaýdyń pedagogıkalyq baǵyttary jáne «Densaýlyq saqtaý» baǵyty boıynsha bilim alatyn stýdentterdi qospaǵanda, joǵary bilimniń bilim berý baǵdarlamalaryn iske asyratyn bilim berý uıymdarynda bilim alatyn stýdentterge – 41 898 teńge;
- tehnıkalyq jáne kásiptik bilimniń bilim berý baǵdarlamalaryn iske asyratyn bilim berý uıymdarynda jumysshy biliktilikteri boıynsha oqıtyn stýdentterge – 32 681 teńge;
- tehnıkalyq jáne kásiptik (orta býyn mamandaryn daıarlaýdy kózdeıtin), orta bilimnen keıingi bilimniń bilim berý baǵdarlamalaryn iske asyratyn bilim berý uıymdarynda bilim alatyn stýdentterge – 31 422 teńge.
Qaýly 2023 jylǵy 1 qyrkúıekten qoldanysqa enedi.
Aıta keteıik, sonymen qatar Memleket basshysynyń Joldaýyn iske asyrý aıasynda kelesi aıdan bastap mektepke deıingi tárbıe men oqytý pedagogteriniń jalaqysy 30 paıyzǵa ósetin bolady.