1992 jyldyń 18 tamyzynda «Shekara áskerlerin qurý týraly» Prezıdent Jarlyǵyna qol qoıyldy.
Alaıda aıtýly kún Qazaqstannyń memlekettik merekeler kúntizbesine 2012 jylǵy 29 tamyzda ǵana engizildi, dep habarlaıdy Almaty-akshamy.kz.
Shekarashylar memlekettik shekarany kirpik qaqpaı kúzetip, qorǵaıdy. Shekarada bolǵan kez kelgen kúmándi oqıǵany qalt jibermeı, shekara rejımin baqylaıdy. Olardyń mindetterine adamdardy memlekettik shekara arqyly ótkizý, ótkizý beketterindegi tártipti baqylaý, shekara shebindegi mekemelerdi qorǵaý, memlekettik shekara rejımin qamtamasyz etý sıaqty ister kiredi.
Memlekettik shekarany qorǵaý sharalary Qazaqstan Respýblıkasynyń Úkimeti men ýákiletti organdardyń óz quzyreti sheginde qabyldaǵan saıası, quqyqtyq, uıymdastyrýshylyq, ekonomıkalyq, shekaralyq, áskerı jáne ózge de sheshimderi aıasynda iske asyrylady. Eldiń shetinde, jeldiń ótinde júrgen sarbazdardyń qyraǵy bolyp, jaýapty qyzmet atqarýy búkil eldegi tynyshtyqtyń kepili bolyp keledi.