«Qazaqmys» JSHS Sátbaevtaǵy jumysshylardyń narazalyǵyna qatysty túsinikteme berdi, dep habarlaıdy Almaty-akshamy.kz atalǵan kompanıanyń baspasóz qyzmetine silteme jasap.
«2023 jylǵy 14 tamyzda túngi aýysymǵa túsken Sátbaev óndiristik alańynyń №65 shahtasynyń kenshileri men merdigerlik uıymdarynyń qyzmetkerleri jumysty toqtatqandaryn habarlady. Mán-jaıdy bilý anyqtaý maqsatynda «Qazaqmys» basshylyǵy, prokýratýra, ulttyq qaýipsizdik komıteti qyzmetkerleri jáne jergilikti atqarýshy bılik ókilderi oqıǵa ornyna bardy. Qazirgi ýaqytta «Qazaqmys» JSHS basshylyǵy týyndaǵan máselelerdi sheshý úshin shahterlerdiń bastamashyl tobymen kelissózder júrgizip jatyr», - delingen habarlamada.
Sondaı-aq resmı aqparatta óńirlik jedel shtabtyń qurylǵany aıtylady.
«Qazaqmys» kompanıalar toby árqashan syndarly dıalogqa ashyq jáne solaı qala beredi», - deıdi kompanıadan.