10-23 qyrkúıek aralyǵynda Býdapeshte shahmattan 45-shi Olımpıada ótedi, dep habarlaıdy aqshamnews.kz.
Baıraqty básekege erler arasynda 196, áıelderden 184 memleketten komanda (barlyǵy 1896 sportshy) qatysady.
Atalmysh Olımpıadaǵa bizdiń elden baratyn sportshylarymyz:
Erler: Álisher Súleımenov, Qazybek Nógerbek, Denıs Mahnev, Ramazan Jalmahanov, Aldıar Ańsat.
Áıelder: Bıbisara Asaýbaeva, Merýert Kamalıdenova, Ámına Qaıyrbekova, Ksenıa Balabaeva, Alýa Nurman.
Olımpıada 9 raýndtan turatyn shveısarıalyq ashyq týrnır formatynda ótedi. Ýaqytty baqylaý 40 júris úshin 90 mınýt, sodan keıin oıynnyń qalǵan bóligine 30 mınýt beriledi. Bul kezde birinshi júristen keıin kelesisine 30 sekýnd beriledi.
Aıta ketý kerek, búkilálemdik shahmat Olımpıadasy 2 jylda bir ótedi. Osyǵan deıingi dodany Úndistannyń Chennaı qalasy qabyldaǵan. Sol kezde Bıbisara Asaýbaeva bastaǵan áıelder komandasy (Jansaıa Ábdimálik, Gúlisqan Nahbaeva, Ksenıa Balabaeva, Nazerke Nurǵalı) 352 upaımen úzdik bestikti túıindedi. Jansaıa Ábdimálik 1-taqta boıynsha qola medaldy mise tutqan bolatyn.