Jazasyn óteýshi jasóspirimder arasynda shahmattan jarys ótti
Almaty qalasynyń QAJ departamentine qarasty LA-155/6 mekemesinde jazasyn ótep jatqan jasóspirimder arasynda shahmat týrnıri uıymdastyryldy. Sporttyq is-sharaǵa Almaty qalasy Jastar saıasatyn damytý memlekettik qory dırektorynyń orynbasary Nursultan Tastanbek jáne jattyqtyrýshylar Les Arsen Les, Azamat Álishev, Dáýlet Imanberlınov muryndyq bolyp, qoldaý kórsetti.
5 týrdan turǵan shahmat saıysynda 1-oryndy A.Ovsánıkov, 2-oryndy B.Shildebaı, al 3-oryndy D.Mýbarakov ıelendi. Oıyn tarysty da qyzyqty ótti. Jeńimpazdar maqtaý qaǵazdarymen birge, sporttyq kıimmen jáne ústel tenısiniń raketka, dobymen marapattaldy. SAÁPTJB bastyǵy, ádilet maıory A.Bázilbaeva kelgen qonaqtarǵa mekeme bastyǵy atynan alǵys bildirdi.
Shahmat ta adam oıyn damytyp, aqyl-órisin keńeıtedi. Shyǵarmashylyqqa da jeteleıdi. Sondyqtan balalar kolonıasynda jazasyn ótep jatqan jasóspirimder úshin bul týrnırdiń bereri mol ekeni anyq.