Bilim berýdiń qoljetimdiligi men sapasyn arttyrý – Úkimet «Qazaqstan halqyna" Qorynyń qaıyrymdylyq jobasyn ulǵaıtýdy qoldady
QR Premer-mınıstri Oljas Bektenov 2024 jylǵy 3 jeltoqsandaǵy Úkimet otyrysynda «Sıfrlyq tehnologıalardy paıdalana otyryp, Aqtóbe oblysynyń shaǵyn jınaqty aýyldyq mektepteriniń áleýetin damytý» jobasyn masshtabtaýdy tapsyrdy.
Premer-mınıstr qalalyq jáne aýyldyq bilim berý arasyndaǵy bilim berý deńgeıindegi alshaqtyqty qysqartý Úkimettiń mańyzdy tapsyrmalarynyń qatarynda qalyp otyrǵanyna erekshe kóńil bóldi, sondaı-aq Aqtóbe óńirinde shaǵyn jınaqty mektepterdi damytý jónindegi keshendi jobany iske asyrýda «Qazaqstan halqyna» QQ mańyzdy rólin atap ótti.
QR Oqý-aǵartý mınıstri Ǵanı Beısembaev Aqtóbe oblysynda óńir ákimdigimen, «Qazaqstan halqyna» QQ, «Bilim berýdi turaqty damytý qory» QQ, «Nazarbaev Zıatkerlik mektepteri» DBBU jáne basqada seriktestermen birlesip, pılottyq rejımde «Sıfrlyq tehnologıalardy paıdalana otyryp, aýyl mektepteriniń áleýetin arttyrý» jobasy qalaı sátti iske asyrylǵany týraly aıtyp berdi. Jobaǵa 11 myńnan astam bilim alýshy men 3,5 myńǵa jýyq pedagog kontıngenti bar 12 tirek jáne 134 shaǵyn jınaqty mektep (SHJM) jumyldyryldy.
«Qazaqstan halqyna» QQ barlyǵy 134 SHJM-ni zamanaýı jabdyqtarmen, sonyń ishinde onlaın-oqytý jáne ǵylymı qyzmetke arnalǵan kabınettermen jaraqtandyrýǵa 1,8 mlrd teńgeden astam qarajat bóldi.
Qazaqstanda barlyq mektepterdiń 70 paıyzdan astamy (5 245) aýyldyq jerlerde ornalasqan, onyń jartysy shaǵyn jınaqty mektep sanatyna jatady (2 564 mektep). Shaǵyn jınaqty mektepterdegi bilim sapasyna bilikti mamandardyń jetispeýshiligi, eskirgen materıaldyq-tehnıkalyq baza sıaqty faktorlar áser etedi.
«Qor qurylǵan sátten bastap bizdiń komanda bilim berý salasyndaǵy qaıyrymdylyq jobalardy qoldaýǵa erekshe mán beredi. Ýákiletti organdarmen jaǵdaıdy birlesip zerdeleý, seriktes qorlarymyzben talqylaý «Qazaqstan halqyna» qory sheshýge qatysa alatyn ózekti máselelerdiń biri aýylda bilim berýdi damytý bolyp tabylatynyn kórsetti. Sondyqtan bizdiń flagmandyq qaıyrymdylyq jobamyz «Bilim berýdi turaqty damytý qory» QQ, «Nazarbaev Zıatkerlik mektepteri» DBBU, óńirlik ákimdikterimen jáne basqa seriktestermen iske asyrylǵan «Aýyldyq jerlerde tirek mektepterdiń áleýetin damytý» eldik bastamasy boldy. 2022 jyldan bastap eki kezeńde Qor Qazaqstannyń 17 óńirinde 135 tirek mektepti jaraqtandyrýǵa 33.5 mlrd teńge jumsady. Kelesi jyly biz taǵy 56 mektepti qamtı otyryp, jobany aıaqtaımyz», - dep atap ótti «Qazaqstan halqyna» QQ-nyń basqarma tóraǵasy Bolat Jámishev.
«Aqtóbe oblysynyń shaǵyn jınaqtalǵan aýyldyq mektepteriniń áleýetin damytý» jobasy «Aýyldyq jerlerde tirek mektepteriniń áleýetin damytý» jobasynyń tabıǵı jalǵasy boldy», - dep qosty ol.
Bolat Jámishev sondaı-aq Qor osyndaı mektepter sany eń kóp 3 oblysta, atap aıtqanda Qostanaı, Aqmola jáne Soltústik Qazaqstan oblystarynda jobany engizýdi qoldaýǵa daıyn ekenin atap ótti.
Otyrys qorytyndysy boıynsha Premer-mınıstr Oljas Bektenov Bilim mınıstrligine jáne oblys ákimderine Aqtóbe oblysynyń shaǵyn jınaqty mektepterdi damytý boıynsha tabysty tájirıbesin masshtabtaýǵa kirisýdi tapsyrdy.
QR Oqý-aǵartý mınıstri Ǵanı Beısembaev óz vedomstvosynyń normatıvtik-quqyqtyq jáne ádisnamalyq súıemeldeýdi qosa alǵanda, jan-jaqty qoldaý kórsetýge tolyq daıyn ekenin atap ótti. Ýákiletti organ qamtylǵan óńirler men mektepter sanynyń birtindep ulǵaıtyp, sol arqyly 2025 jylǵy qyrkúıekte 17 óńirde 443 tirek mektep jáne 1824 SHJM-ge deıin qol jetkizýmen jobany ulǵaıtaýdyń úsh kezeńin bekitti.