Ramazan aıyna deıin jasalýǵa tıis amaldar qandaı?
Búgin Shaǵban aıy bastaldy. On eki aıdyń sultany – Ramazan aıynyń kelýine az ýaqyt qaldy. Oraza 23 naýryzda bastalyp, 20 sáýirge deıin jalǵasady, dep jazady Almaty-akshamy.kz QMDB materıaldaryna silteme jasap.
Qasıetti aı bastalmas buryn ótken Ramazan aıynan ótelmegen qaryz kúnderin ótegen jón. Orazanyń qazasyn óteýshi kúndelikti namaz kestesine súıený arqyly tań namazy kirgende aýyz bekitip, aqsham namazy kirgen ýaqytta aýyz ashady. Sonymen qatar shama-sharqynsha aqshalaı túrde alynǵan qaryzdardy qaıtarýdy da umytpaǵan jón.
Úshinshiden, Ramazan aıynda oryndaıtyn qulshylyqtarǵa Shaǵban aıynan bastap nıettengen jón. Ol qulshylyqtardyń josparyn aldyn ala daıyndaý da artyq etpeıdi. Tórtinshiden, sanany artyq oıdan aryltyp, jaman ádetterden qutylyp, sózdi túzegen abzal.
Budan basqa aǵzany daıyndap, asqazandy artyq tamaqqa toltyrmaǵan durys. Ol úshin qazirden bastap kún saıyn iship jeıtin tamaq mólsherin birtindep azaıtýǵa keńes beriledi.
Erte jatyp, erte turýǵa úırený – negizgi erejelerdiń biri. Iaǵnı, osy ýaqyttan bastap uıqy rejımin rettegen abzal.
Sondaı-aq, ishki jáne syrtqy tazalyqqa mán bergen de jón.