592-bapqa ózgertýler men tolyqtyrýlar engizildi.
QR Ádilet mınıstrligi "Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly" zań jobasyn ázirledi, dep habarlaıdy Almaty-akshamy.kz
Kólik quraly qozǵalysynyń belgilengen júrý jyldamdyǵyn saǵatyna 40-tan 80 shaqyrymǵa deıin arttyrǵany úshin 20 AEK mólsherinde (69 000 teńge) aıyppul salynady.
Al kólik quraly qozǵalysynyń belgilengen júrý jyldamdyǵyn 80 jáne odan astam shamaǵa arttyrý 40 AEK mólsherinde (138 000 teńge) aıyppul salýǵa alyp keledi.
Ákimshilik jaza qoldanylǵannan keıin bir jyl ishinde qaıtalap jasalǵan áreketter 60 AEK (207 000 teńge) mólsherinde aıyppul salýǵa alyp keledi.
593-bap ta ("Jol júrisi qaǵıdalarynda kózdelgen jolaýshylardy jáne júkterdi tasymaldaý, qaýipsizdik beldikterin nemese motoshlemderdi paıdalaný jónindegi talaptardy saqtamaý") ózgertildi.
Onda jolaýshylardy kóliktiń kabınasynan tys tasymaldaýǵa, sondaı-aq kólik quralynyń terezeleri men lúkterine shyǵyp ketýge, esikterdi ashýǵa jáne kólik júrgizý kezinde basqa da osyǵan uqsas áreketterdi jasaýǵa jol bergeni úshin jaza qarastyratyn jańa tarmaq paıda boldy.
Bul áreketterge 10 AEK (34 500 teńge) kóleminde aıyppul belgilendi.
Qozǵalys kezinde jolaýshylar kólik quralynyń salonynan tys jerde bolǵan kezde onyń talabyn saqtamaýy 10 AEK mólsherinde aıyppul salýǵa ákep soǵady.
Kodekstiń 46-babynyń tórtinshi bóligine sáıkes, arnaýly quqyqtan aıyrý qoldanylmaıtyn adamdar jasaǵan áreket otyz aılyq eseptik kórsetkish mólsherinde aıyppul salýǵa alyp keledi.
Kólik quraldarynyń, júkterdiń, joldardyń, jol jáne ózge de qurylystardyń ne ózge de múliktiń materıaldyq zalal keltirýine ákep soqqan, osy baptyń úshinshi bóliginde kózdelgen is-áreket 9 aı merzimge kólik quraldaryn júrgizý quqyǵynan aıyrýǵa ákep soǵady.
Zań jobasy 13 naýryzǵa deıin talqylaý úshin Ashyq NQA saıtynda jarıalandy.