Almaty oblysy polısıa departamentiniń eks-basshysy, general-maıor Serik Kúdebaev ishki ister organdaryndaǵy qyzmetinen bosatyldy, dep habarlaıdy almaty-akshamy.kz
"Bıyl aqpanda ony jumystan bosatý týraly buıryqqa qol qoıyldy", – dep jazylǵan İİM baspasóz qyzmetiniń "Interfaks-Qazaqstan" aqparat agenttigine bergen málimetinde.
Eske sala ketsek, 2022 jylǵy naýryzda Bas prokýror Berik Asylov qańtar oqıǵasy baılanysty polısıa departamenti men UQK basshylaryna qatysty 7 qylmystyq isti tergep jatqanyn habarlaǵan edi.
"5 qańtarda Almaty qalasy, Almaty, Jambyl jáne Qyzylorda oblystaryndaǵy polısıa departamentteri men UQK úsh departamentiniń basshylary jumys ornynan ketip qalǵan, ári olar onda qarý qaldyrǵany anyqtaldy. Bul faktiler boıynsha 7 qylmystyq is qozǵaldy. Olar boıynsha tergeý áreketteriniń negizgi kólemi aıaqtaldy", – dedi Berik Asylov.
Serik Kúdebaev Almaty oblystyq polısıasyn 2020 jyldyń 29 qańtarynan bastap basqardy.
Ol 1965 jyly týǵan, ishki ister organdarynda 1990 jyldan bastap qyzmet etedi. Basshylyq laýazymdarda jumys tájirıbesi mol.
2009-2013 jyldary Almaty oblysynyń polısıa departamenti bastyǵynyń birinshi orynbasary, odan keıin bastyǵy bolyp jumys istedi.
2013 jyldyń qazan aıynan bastap Almaty qalasynyń polısıa departamentin basqardy.
.