Aldaǵy aıda qazaqstandyqtarǵa jalǵa beriletin turǵyn úı sýbsıdıasy beriledi. Bul týraly Qurylys jáne turǵyn úı komýnaldyq sharýashylyq isteri komıtetiniń tóraǵasy Almas Ydyrysov málim etti, dep habarlaıdy Almaty-akshamy.kz.
«Memleket basshysy turǵyn úıge muqtaj jandarǵa arnalǵan baǵdarlama ázirleýdi júktegen edi. Sol tapsyrmaǵa sáıkes, búginde jańa baǵdarlama iske qosyldy. Búginde 601 myń qazaqstandyq turǵyn úı kezeginde tur. Onyń ishinde 215 myńy — kóp balaly otbasy, İ jáne İİ toptaǵy múgedek, jetim balalar jáne múgedek balasy bar otbasylar. Odan bólek, baspana kezeginde turǵan 70 myń azamat tabysy tómen sanatqa jatady. Osy atalǵan sanattaǵy azamattarǵa memleket turǵyn úı jaldaýǵa sýbsıdıa beredi», - dedi Almas Ydyrysov Ortalyq komýnıkasıalar qyzmeti alańynda ótken baspasóz máslıhatynda.
Onyń aıtýynsha, joǵaryda atalǵan 70 myń qazaqstandyq Eńbek jáne halyqty áleýmettik qorǵaý mınıstrliginiń derekterine saı anyqtaldy.
«Sýbsıdıaǵa kelsek, jalǵa beriletin páter aqysynyń 50 paıyzyn memleket kóteredi, qalǵanyn azamattyń ózi tóleıdi. Bul baǵdarlama úshin memlekettik búdjetten 50 mlrd teńge qarastyrylǵan. Atalǵan somanyń 40 mlrd teńgesi respýblıkalyq búdjetten bólinedi, qalǵan 10 mlrd teńge jergilikti búdjetten qarastyrylady. Jalǵa beriletin turǵyn úıge sýbsıdıa alýǵa ótinimdi Otbasy banki qabyldaýdy bastap ketti. Ol úshin sıfrlyq platforma ázirlendi. Otbasy bank basty operator retinde baspanaǵa muqtaj otbasylardy anyqtaıdy jáne olardyń tabysyn tekseredi. Búginde azamattardan ótinim qabyldanyp jatyr, shashamen mamyr aıynda sýbsıdıa berile bastaıdy», - deıdi ol.