Serik Jumanǵarın QR Premer-Mınıstriniń orynbasary – Saýda jáne ıntegrasıa mınıstriniń mindetterin atqarýshy bolyp taǵaıyndaldy, dep habarlaıdy Almaty-akshamy.kz Aqordaǵa silteme jasap.
«Serik Maqashuly Jumanǵarın Qazaqstan Respýblıkasy Premer-Mınıstriniń orynbasary – Saýda jáne ıntegrasıa mınıstriniń mindetterin atqarýshy bolyp taǵaıyndalsyn, ol Qazaqstan Respýblıkasynyń Básekelestikti qorǵaý jáne damytý agenttiginiń tóraǵasy laýazymynan bosatylsyn», - delingen Memleket basshysy Qasym-Jomart Toqaevtyń Jarlyǵynda.
Serik Maqashuly Jumanǵarın 1969 jyly týǵan. 1993 jyly Máskeý Lenın ordendi jáne Oktábr r evolúsıasy ordendi energetıkalyq ınstıtýtyn «Jylý fızıkasy» mamandyǵy boıynsha, 1997 jyly E.A. Bóketov atyndaǵy Qaraǵandy memlekettik ýnıversıtetin «Qarjy jáne nesıe» mamandyǵy boıynsha bitirdi. 2013 jyly Halyqaralyq bıznes akademıasynda «Menedjment» mamandyǵy boıynsha iskerlik ákimshilik magıstri dárejesin aldy.
1993 – 2004 jyldary kásipkerlik qyzmetpen aınalysty.
2005 – 2006 jyldary – Aqtóbe qalasynyń ekonomıka jáne búdjettik josparlaý bólimi bastyǵynyń orynbasary; Aqtóbe qalasy kásipkerlik bóliminiń bastyǵy.
2006 – 2007 jyldary – QR Tabıǵı monopolıalardy retteý agenttiginiń Aqtóbe oblysy boıynsha basqarmasy bastyǵynyń orynbasary.
2007 – 2008 jyldary – QR Tabıǵı monopolıalardy retteý agenttigi Aqtóbe oblysy boıynsha basqarmasynyń bastyǵy; Atalǵan agenttiktiń Aqtóbe oblysy boıynsha departamentiniń dırektory.
2008 – 2010 jyldary – QR Indýstrıa jáne saýda mınıstrligi Saýda komıteti tóraǵasynyń orynbasary, Saýdany damytý departamentiniń dırektory; «Qazaqstandyq kelisim-shart agenttigi» AQ Basqarma tóraǵasynyń orynbasary.
2010 – 2011 jyldary - «NadLoc» jergilikti qamtýdy damytý ulttyq agenttigi» AQ Basqarma tóraǵasynyń orynbasary, birinshi orynbasary.
2012 – 2013 jyldary – QR Ekonomıkalyq damý jáne saýda mınıstrligi Óńirlik saıasat jáne búdjetaralyq qatynastar departamentiniń dırektory; QR Ekonomıkalyq damý jáne saýda mınıstrligi Óńirlik damý komıtetiniń tóraǵasy.
2013 – 2014 jyldary – QR Óńirlik damý vıse-mınıstri.
2014 – 2017 jyldary – QR Ulttyq ekonomıka mınıstrligi Tabıǵı monopolıalardy retteý jáne básekelestikti qorǵaý komıtetiniń tóraǵasy.
2019-2020 jyldary – B ásekelestik jáne monopolıaǵa qarsy retteý jónindegi Eýrazıalyq ekonomıkalyq komısıa alqasynyń múshesi (Mınıstr).
2020 jylǵy 14 qyrkúıekte Qazaqstan Respýblıkasy Básekelestikti qorǵaý jáne damytý agenttiginiń tóraǵasy laýazymyna taǵaıyndaldy.