Halyqaralyq konferensıanyń otyrysy ótti
Qazaqstan Ortalyq Azıa men Kavkazdyń barlyq elimen seriktestikti belsendi damyta otyryp, avıasıalyq qaýipsizdik pen ushý qaýipsizdigi salasyndaǵy óńirlik kóshbasshy atandy, dep habarlaıdy Almaty-akshamy.kz BAQ.KZ-ke silteme jasap.
11-12 tamyzda «Qazaqstannyń avıasıalyq ákimshiligi» AQ Indýstrıa jáne ınfraqurylymdyq damý mınıstrliginiń Azamattyq avıasıa komıteti men Aqtaý qalasynyń halyqaralyq áýejaı ákimshiliginiń qatysýymen Avıasıalyq qaýipsizdik jáne óńirlik yntymaqtastyq jónindegi halyqaralyq konferensıanyń otyrysyn ótkizdi.
Konferensıaǵa Ázirbaıjan, Grýzıa, Qyrǵyzstan jáne Tájikstan dostas memleketterdiń avıasıalyq bılik oryndarynyń basshylyǵy qatysty.
Indýstrıa jáne ınfraqurylymdyq damý mınıstrligi Azamattyq avıasıa komıtetiniń tóraǵasy Talǵat Lastaev qatysýshylarǵa quttyqtaý sóz sóıledi. Óz sózinde ol eýropalyq sarapshylar aýdıtiniń joǵary nátıjelerin atap ótip, Qazaqstannyń ushý qaýipsizdigi salasynda IKAO standarttaryna sáıkestigin, sondaı-aq IKAO aýdıtiniń nátıjeleri boıynsha avıasıalyq qaýipsizdikti qamtamasyz etý salasyndaǵy joǵary kórsetkishterdi rastaǵanyn aıtty.
Qazirgi ýaqytta Qazaqstan Ortalyq Azıa men Kavkazdyń barlyq elimen seriktestikti belsendi damyta otyryp, avıasıalyq qaýipsizdik pen ushý qaýipsizdigi salasyndaǵy óńirlik kóshbasshy atandy.
Konferensıanyń kún tártibine azamattyq avıasıadaǵy qaýipsizdikti qamtamasyz etý úshin qajetti aqparatpen jedel almasý máseleleri engizildi.
Azamattyq avıasıany zańsyz aralasý aktilerinen qorǵaý máseleleri boıynsha konferensıaǵa qatysýshy elderdiń avıasıalyq bılik oryndarynyń ózara is-qımylyn jáne yntymaqtastyǵyn damytý.
Halyqaralyq standarttardy jáne Halyqaralyq azamattyq avıasıa uıymynyń (IKAO) usynylatyn praktıkasyn eskere otyryp, qatysýshy elderdiń zańnamalaryn úılestirý.
Azamattyq avıasıanyń bilikti personalyn daıarlaý men qaıta daıarlaýdyń kásibı deńgeıin qoldaý, sondaı-aq qatysýshy elder arasynda avıasıalyq qaýipsizdik jónindegi úılestirý tobyn qurý.
Úılestirý tobynyń jumys organy retinde Azamattyq avıasıa akademıasynyń avıasıalyq qaýipsizdik jónindegi IKAO oqý ortalyǵy usynyldy.
«Úılestirý tobynyń maqsaty ózara aqparat almasý jáne bir-birine járdem kórsetý arqyly avıasıalyq qaýipsizdiktiń joǵary deńgeıine qol jetkizý, avıasıalyq qaýipsizdik jónindegi IKAO-nyń jahandyq josparynyń negizgi basymdyqtaryna qol jetkizýge jáne IKAO standarttary men usynylatyn praktıkasyn sapaly engizýge járdemdesý jáne kómek kórsetý úshin tıimdi tetik qurý bolyp tabylady», - delingen habarlamada.
Konferensıaǵa qatysýshylar avıasıalyq qaýipsizdik salasyndaǵy óńirlik yntymaqtastyq týraly Kelisim sheńberinde áleýetti arttyrý, sondaı-aq avıasıalyq qaýipsizdik máseleleri boıynsha yntymaqtastyq boıynsha ýaǵdalastyqtarǵa qol jetkizdi.