Bul – álem chempıonatyndaǵy eń alǵashqy sensasıa
Qatarda ótip jatqan fýtboldan 2022 jylǵy álem chempıonatynyń úshinshi oıyn kúninde sensasıalyq jaǵdaı tirkeldi. S tobynda synǵa túsetin Argentına quramasy alǵashqy oıynda Saýd Arabıasynan jeńilip qaldy, dep habarlaıdy Almaty-akshamy.kz QazAqparatqa silteme jasap.
Oıynnyń alǵashqy mınýtynan argentınalyq fýtbolshylar tizgindi óz qolyna alýǵa tyrysqan edi. Dese de, oǵan Saýd Arabıasy quramasy jol bere qoıǵan joq.
Oıynnyń 10-mınýtynda argentınalyq Lıonel Messı penaltıden esep ashty. Birinshi kezeńde budan keıin tablodaǵy esepke ózgeris ene qoıǵan joq.
Ekinshi kezeńde Saýd Arabıasy quramasynyń belsendiligi baıqaldy.
Nátıjesinde 48-mınýtta Saleh Ál Shehrı tarazy basyn teńestirse, Salem Ál-Davsarı 53-mınýtta óz quramasyn alǵa shyǵardy.
Aıta ketsek, eki qurama buǵan deıin tórt márte kezdesti. Olardyń barlyǵy joldastyq kezdesý esebinde ótkizilgen.
Argentına quramasy alǵa qaraı umtyla tústi. Degenmen dittegen maqsatyna jete almaı jatty.
Osylaısha Saýd Arabıasy Argentınadan 2:1 esebimen basym tústi.
Bul – álem chempıonatyndaǵy eń alǵashqy sensasıa. Sondaı-aq, arab fýtbolshylary óz tarıhynda tuńǵysh ret Argentınany jeńdi.
Buǵan deıin eki qurama tórt márte kezdesti. Ekeýinde Argentına basym tússe, ekeýinde esep teń aıaqtaldy.
1988 jyly 6 shildede 2:2, 2012 jyly 14 qarashada 0:0 esebimen teń tústi. Al Argentına 1988 jyly 16 shildede 3:1, 1992 jyly 20 qazanda 2:0 esebimen jeńiske jetti.
Atalǵan toptaǵy búgin, 22 qarashada Meksıka jáne Polsha kezdesýi elorda ýaqytymen 22:00-de «Qazsport» telearnasynan tikeleı efırde kórsetiledi.
Eske salsaq, budan buryn A tobynda Anglıa quramasy Irandy iri eseppen jeńse, Nıderlandy Senegaldan basym tústi.
Sondaı-aq, A tobyndaǵy eki oıynnyń nátıjesi belgili boldy.