Eki otandyq JOO grant berýge daıyn ekenin bildirdi
Ǵylym jáne joǵary bilim mınıstrligi adamdardy qutqaryp júrip kóz jumǵan Asqar Zabıkýlınniń otbasyna grant bólingenin málimdedi, dep habarlaıdy Almaty-akshamy.kz.
Qazirgi ýaqytta eki otandyq JOO grant berýge daıyn ekenin bildirdi.
Safı Ótebaev atyndaǵy Atyraý munaı jáne gaz ýnıversıteti Asqar Zabıkýlınniń balalaryna orta mektepti bitirgennen keıin kez kelgen bakalavrıat mamandyǵynda joo grantynda oqýǵa múmkindik bermek.
Sondaı-aq, Asqar Zabıkýlınniń balalary 2023 jyly jazda ýnıversıtettiń jataqhanasynda turyp, IT-lagerge jáne jazǵy tildik mektepke qatysa alady.
Sonymen qatar, áıeli Anel Zabıkýlına úshin «Adam resýrstaryn basqarý» mamandyǵy boıynsha MVA-da oqýǵa grant bólindi.
Batyrdyń áıeli Anel Zabıkýlınanyń MVA baǵdarlamasynda oqýǵa tolyq grantyn AlmaU da bóldi. Ol grantty 2023-2026 jyldary qoldana alady.
Esterińizge sala keteıik, QR «Bilim týraly» zańyna sáıkes arnaýly memlekettik organdar jáne quqyq qorǵaý organdary, azamattyq qorǵaý organdary, memlekettik feldegerlik qyzmet qyzmetkerleriniń, qyzmettik mindetterin atqarý kezinde qaza tapqan nemese mertigýi (jaralanýy, jaraqattanýy, kontýzıa alýy) saldarynan múgedektik belgilengen áskerı qyzmetshilerdiń balalarynyń ótinishi negizinde olarǵa konkýrstan tys bilim granty beriledi.