Qazaqstan Respýblıkasy Májilisi Senatynyń Asqar Shákirov bastaǵan halyqaralyq qatynastar, qorǵanys jáne qaýipsizdik komıtetiniń depýtattary elordalyq 5573 Ulttyq ulannyń áskerı bólimine bardy, dep habarlaıdy Almaty-akshamy.kz.
Halyq qalaýlylaryn Qazaqstan Respýblıkasy Ulttyq ulany Bas qolbasshysynyń tárbıe jáne áleýmettik-quqyqtyq jumystar jónindegi orynbasary, polkovnık Qaırat Úmbetov pen áskerı bólim basshylyǵy qarsy aldy.
Ulttyq ulan Qazaqstan Respýblıkasy ishki ister organdarynyń biryńǵaı júıesine kiredi jáne jeke bastyń, qoǵam men memlekettiń qaýipsizdigin qamtamasyz etýge, adamnyń jáne azamattyń quqyqtary men bostandyqtaryn qylmystyq jáne ózge de quqyqqa qarsy qolsuǵýshylyqtardan qorǵaýǵa arnalǵan. Sondaı-aq, Ulttyq ulanǵa basqa da tapsyrmalar júktelgen. Memleket basshysy Qasym-Jomart Toqaevtyń Ulttyq ulandy sandyq jáne sapalyq jetildirý boıynsha birqatar tapsyrmalar qoıǵan. Qazaqstan Respýblıkasy ishki ister mınıstriniń orynbasary – Ulttyq ulan Bas qolbasshysy, general-maıor Erkin Botaqanovtyń basshylyǵymen joǵaryda atalǵan tapsyrmalar birtindep júzege asyp keledi. Búgin Sizderdiń nazarlaryńyzǵa elordalyq jedel qurama – 5573 áskerı bóliminiń tynys-tirshiligi usynylatyn bolady. Áskerı bólim komandıri, polkovnık Aıan Esjanov Sizderdi jaýyngerlik daıarlaý deńgeıimen, sondaı-aq áskerı bólimniń materıaldyq-tehnıkalyq jaraqtandyrý jaǵdaıymen tanystyrady, - dedi Halyq Qaharmany, áskerdiń Bas tárbıeshisi, polkovnık Qaırat Úmbetov.
Kezdesý barysynda áskerı bólim basshylyǵy senatorlarǵa quramanyń qyzmettik-jaýyngerlik qyzmeti jáne áskerı bólimniń atqaratyn mindetteri týraly baıandady. Sondaı-aq depýtattarǵa turý jaǵdaılary, qoǵamdyq tártipti qorǵaý jónindegi jaýyngerlik qyzmetke daıyndyq, materıaldyq-tehnıkalyq qamtamasyz etý jáne qyzmettik ıtterdi qoldaný tártibi kórsetildi.
Qazir elimizde qaýipsizdigimiz naqty óz ornynda ekeni sózsiz. Búgin áskerı bólimmen tanysqanymyzda jaýyngerlerdiń materıaldyq qamtamsyz etýine, tehnıkalyq jáne qarý-jaraq jabdyqtalýyna kóz jetkizdik, - dedi Senat depýtaty Genadıı Shıpovskıh.
Onyń áriptesi senator Ǵalıasqar Sarybaev bolsa, Ulttyq ulannyń el qaýipsizdigi men qoǵamdyq tártipti qamtamsyz etý ornyna toqtaldy. Sondaı-aq, elordalyq jedel qurama úlgili áskerı bólimderdiń biri ekenin aıtyp ótti.
Kezdesý barysynda kóterilgen barlyq máseleler senatorlardyń nazaryna alyndy, sondaı-aq depýtattardyń odan ári zań shyǵarý qyzmeti paıdalanylatyn bolady.