Amerıkalyq Forbes jýrnaly álemdegi eń baı adamdardyń reıtıńin jarıalady.
Atalmysh tizimge Qazaqstannyń alty azamaty kirgen, dep habarlaıdy Almaty-akshamy.kz Egemen.kz-ke silteme jasap.
Forbes nusqasy boıynsha eń baı qazaqstandyq - Vladımır Kım. Ol - KAZ Minerals kompanıasynyń prezıdenti. Kásipker «Qazaqmys korporasıasy» JSHS-niń majorıtarlyq ıesi bolyp sanalady.
Reıtıń boıynsha 636-shy orynda turǵan Tımýr men Dınara Qulybaevtardyń árqaısynyń aktıvteri 4,3 mıllıard dollardy quraıdy.
Tımýr Qulybaev sıngapýrlyq Steppe Capital Pte Ltd kompanıasynyń úlesine ıe. Ol - Joint Resources AQ-nyń jalǵyz ıesi. Qulybaev «Kıpros» JSHS-niń negizgi ıesi, budan basqa Mercury Properties JSHS aksıalarynyń baqylaý paketine ıe.
Ol sondaı-aq óziniń zaıyby Dınara Qulybaevamen teń dárejede «Fırma Almeks Plús» JSHS men «Almeks» holdıńter tobyna ıelik etedi. Halyk Bank-te Qulybaevtar 69,52 paıyzyǵa teń quqyly. Al Dınara Qulybaevanyń ózi Nursultan Nazarbaev Bilim qorynyń jalǵyz quryltaıshysy.
Tizimde Kaspi.kz saıtynyń aksıoneri jáne dırektorlar keńesiniń tóraǵasy Vácheslav Kım de bar. Onyń baılyǵy 3,6 mıllıard dollarǵa baǵalanady. Osylaısha, Vácheslav Kım Forbes-tyń 787-shi ornyna turaqtady.
Eń baı qazaqstandyqtardyń qatarynda Tımýr Týrlov ta bar. Ol Forbes real-time jahandyq reıtıńinde 3,1 mıllıard dollar baılyǵymen 949-shy orynǵa taban tiredi.
Eń baı qazaqstandyqtardyń tizimin reıtıńtiń 1104-shi qatarynda turǵan Bolat Ótemuratov aıaqtady. Jýrnal onyń baılyǵyn 2,7 mıllıard dollarǵa baǵalady.