Senat komıtetiniń tóraǵasy Álı Bektaev kezdesýdi asha kelip, Memleket basshysy agroónerkásip keshenin damytýǵa erekshe nazar aýdaryp otyrǵanyn atap ótti. Memlekettik qoldaý sharalarynyń arqasynda aýyl sharýashylyǵy óniminiń óndirisi ósip kele jatqany baıqalady.
«Jasalyp jatqan jumystar barshylyq. Alaıda, ishki naryq qus eti, shujyq pen sút ónimderi, jemis-jıdek pen kókónis sıaqty kúndelikti tutynatyn negizgi azyq-túlikter boıynsha áli de ımportqa táýeldi. Al, elimizdegi qaıta óńdeý kásiporyndarynyń jumys júktemesi áli de tómen deńgeıde. Jalpy tereń óńdelgen ónimderdi shyǵarý, ony eksporttaý arqyly ımporttyń úlesin azaıtý óte mańyzdy ári aýqymdy másele. Kóterilgen máselelerdiń bári agroónerkásip kesheniniń damýyna, elimizdiń azyq-túlik qaýipsizdigin qamtamasyz etýge septigin tıgizedi dep senemiz», - dep atap ótti Álı Bektaev.
Aýyl sharýashylyǵy mınıstriniń orynbasary Erbol Tasjúrekov óz kezeginde senatorlarǵa tereń óńdeý salasyndaǵy aǵymdaǵy ahýal jáne agroónerkásip salasyn damytýdaǵy bolashaq jospar týraly aıtyp berdi.
Kezdesýge Senat depýtattary, «Atameken» ulttyq kásipkerler palatasynyń ókilderi, ǵalymdar men sarapshylar qaýymdastyǵynyń ókilderi qatysty.
(, 74-72-27. )