Prezıdent plasmassa buıymdaryn shyǵaratyn «Biryńǵaı shoǵyrlandyrý ortalyǵy» JSHS zaýytyna bardy
Astana qalasynyń №1 Indýstrıalyq parkin aralap kórý barysynda Memleket basshysy «Biryńǵaı shoǵyrlandyrý ortalyǵy» JSHS-niń jumysymen tanysty, dep habarlaıdy almaty-akshamy.kz
2018 jyly negizi qalanǵan kompanıa rezeńke jáne plasmassa buıymdaryn óndiredi. Kásiporyn jyl saıyn 72 mıllıon baqylaý-ındıkator plombalary men ózdiginen jabysatyn leıblder, sondaı-aq mal sharýashylyǵynda qoldanylatyn 24 mıllıon dana syrǵa shyǵarady.
«Ýnıversal» JSHS kompanıalar tobyna kiretin «Biryńǵaı shoǵyrlandyrý ortalyǵy» polıpropılen qaptaryn shyǵaratyn zaýytty, sondaı-aq Qazaqstannyń ózge de óńirlerinde krahmal jáne krahmaldyń qantqa aınalyp úlgermegen túrin óndiretin iri óndiris ornyn basqarady.
Qazirgi ýaqytta Túrkistan oblysynyń Shardara qalasynda júgeri dánin tereń óńdeý jobasyn júzege asyrý josparlanyp otyr. Zaýyttyń qýaty jylyna 150 myń tonnany quraıdy.
Kompanıalar toby 80-nen astam ónim túrin shyǵarady. Munda 3400 adam jumys isteıdi. Salynǵan ınvestısıa kólemi – 60 mıllıard teńge.