Jańadan jóndelgen qalalyq pýlmonologıa ortalyǵy jumysyn bastady
QR Parlamenti Senatynyń depýtattary Baqytjan Jumaǵulov, Dınar Nóketaeva, Sultanbek Mákejanov, Dana Nurjigitova jáne Nurtóre Júsip qalalyq klınıkalyq aýrýhanalarda boldy, dep habarlaıdy Almaty-akshamy.kz. Senattyń baspasóz qyzmetine silteme jasap.
Senatorlar medısına qyzmetkerlerimen kezdesýde halyqqa kórsetiletin dárigerlik kómektiń sapasyn odan ári jaqsartýǵa arnalǵan qural-jabdyqtarmen aýrýhanany jabdyqtaý máselelerin talqylady.
Klınıkadaǵy tegin medısınalyq kómektiń kepildik berilgen kólemi, mindetti áleýmettik medısınalyq saqtandyrý jáne onyń kóleminen tys aqyly qyzmetter túrinde mamandandyrylǵan medısınalyq kómek, onyń ishinde ońaltý kómegin kórsetý týraly senatorlarǵa jan-jaqty aqparat berildi.
Sondaı-aq aýrýhananyń jaqynda keń aýqymdy qyzmet kórsetýge múmkindik beretin jańa medısınalyq jabdyqtarmen qamtamasyz etilgeni týraly aıtyldy.
Parlamentshiler medısına qyzmetkerlerimen ǵana emes, pasıenttermen de sóılesti. Depýtattar aýrýhananyń tynys-tirshiliginiń problemalyq jaqtaryna, medısınalyq qyzmet kórsetý júıesiniń máselelerine de alańdaýshylyq bildirdi.
Kezdesý aıasynda jańadan jóndelgen qalalyq pýlmonologıa ortalyǵynyń saltanatty ashylýy boldy.