Astana turǵyndary neke qurý jaǵynan aldyda kele jatyr. Negizinen eń jas neke turýshylardyń kóbi atalǵan óńirde tirkeledi eken, dep habarlaıdy almaty-akshamy.kz.
2023 jyldyń qorytyndysy boıynsha elordada 1000 turǵynǵa shaqqanda 7,46 adam úılengen. Osylaısha Astana neke qurý jaǵynan ózge óńirlerge qaraǵanda tizimniń aldyna shyqty. Kerisinshe elimizdiń ońtústigi – Túrkistan oblysy tizim sońynda qalǵan. Bul oblysta neke koefısıenti - 5,55 bolyp tirkelgen.
Sol sekildi taǵy birneshe qyzyqty faktiler.
- 10 jaǵdaıdyń 8-i qazaqstandyqtar alǵash ret úılenedi. Kúıeý jigittiń ortasha jasy-27, al qalyńdyq-25 jas.
- Eger naqty jas ereksheligine qatysty aıtatyn bolsaq, onda 2023 jyly nekege turǵan jigitterdiń kópshiligi 20-dan 39 jasqa deıin (85%) bolsa, qyzdar jaǵy 18-den 34 jasqa deıin (82%) shańyraq kótergen.
Atap aıtar taǵy bir qyzyqty jaıt, jańadan shańyraq kótergen otbasynyń árbir besinshisi ultaralyq bolyp tabylady.
Er jigitke turmysqa shyqqan qalyńdyqtyń 41 paıyzy joǵary bilimdi eken. Al jigitter jaǵy qyzdarǵa qaraǵanda bul jaǵynan 39 paıyzǵa tómen kórinedi.
- Otbasyn qurý jaǵynan maýsym men tamyz aılarynda óte belsendilik baıqalsa, qańtar men aqpan aılarynda kerisinshe úı bolýǵa nıettiler óte az tirkeledi eken.