Jyl basynan beri Almaty oblysynda ınternet-alaıaqtyq faktileri jıi tirkelýde.
Qalyptasqan jaǵdaıǵa baılanysty quqyq qorǵaý organdary osyndaı qylmystardyń aldyn alý jáne ashý boıynsha belsendi jumys júrgizýde, dep habarlaıdy aqshamnews.kz Polisia.kz-ke silteme jasap.
– Bıyl óńirde ınternet jáne telefon alaıaqtyqtarynyń aldyn alý jáne ashý maqsatynda jeti jedel-profılaktıkalyq is-shara ótkizildi. Halyqty alaıaqtardan qorǵaý ádisteri týraly aqparattandyrý maqsatynda 73 aksıa uıymdastyrylyp, 46 myńǵa jýyq býklet taratyldy. Sondaı-aq adamdar kóp jınalatyn oryndarda 19 bılbord, stend jáne LED ekran ornatyldy. Jergilikti buqaralyq aqparat quraldarynda alaıaqtyqtyń aldyn alý boıynsha 38 maqala jarıalandy, – dep málimdedi vedomstvo ókilderi.
Sonymen qatar 2023–2025 jyldarǵa arnalǵan kıberqylmysqa qarsy is-qımyl baǵdarlamasy aıasynda «Kıberbaqylaý» platformasynda alaıaqtar paıdalanǵan 226 saıt buǵattaldy.