Senattyń jalpy otyrysynda palata depýtattary «Zańsyz ıemdelgen aktıvterdi memleketke qaıtarý týraly» Zańdy maquldady
Zańnyń negizgi maqsaty – Qazaqstan Respýblıkasynyń aýmaǵynda da, odan tys jerlerde de zańsyz ıemdelgen aktıvterdi qaıtarý úshin zańnamalyq parametrlerdi aıqyndaý, sondaı-aq olardy zańsyz ıemdenýge jáne shyǵarýǵa yqpal etken jaǵdaılardy joıý.
Senattyń Konstıtýsıalyq zańnama, sot júıesi jáne quqyq qorǵaý organdary komıtetiniń málimetine qaraǵanda, qujat aıasynda aktıvterdi shyǵarý salasyndaǵy quqyq buzý derekterin anyqtaý, jolyn kesý, ashý jáne tergep-tekserý, aktıvterdi qaıtarý jónindegi halyqaralyq-quqyqtyq yntymaqtastyqty damytý, qaıtarylǵan qarajatty qoǵamnyń ıgiligi úshin tıimdi paıdalaný, ekonomıkalyq resýrstardyń zańsyz shoǵyrlanýyna, aktıvterdi zańsyz shyǵarýǵa yqpal etken sebepter men jaǵdaılardy anyqtaý eskerilgen.
Zań mynadaı negizgi erejeler qarastyrylǵan:
- Zańmen retteletin quqyqtyq qatynastar sýbektilerin anyqtaý;
- zańsyz ıemdenilgen aktıvterdi ashý, paıda bolýyn rastaý jáne qaıtarý tetikterin reglamentteý;
- zańsyz ıemdenilgen aktıvterdi qaıtarý rásimderiniń ashyqtyǵyn qamtamasyz etý;
- onyń ókilettikterin aıqyndaı otyryp, zańsyz ıemdenilgen aktıvterdi qaıtarý máseleleri boıynsha komısıa qurý;
- zańsyz ıemdenilgen aktıvterdi memleketke erikti túrde berýdi yntalandyrý;
- aktıvterdi zańsyz ıemdenýge jáne shyǵarýǵa yqpal etken sebepter men jaǵdaılardy joıýǵa baǵyttalǵan júıeli sharalar qabyldaý;
- óz ókilettikterin aıqyndaı otyryp, zańsyz shyǵarylǵan aktıvterdi qaıtarý máseleleri jónindegi ýákiletti organdy qurý;
- ókilettikterin aıqyndaı otyryp aktıvterdi qaıtarý jónindegi ýákiletti organdy qurý;
- qaıtarylǵan aktıvterdi shoǵyrlandyrý jáne Qazaqstan halqynyń
ál-aýqatyn arttyrýǵa baǵyttalǵan áleýmettik jáne ekonomıkalyq jobalardy qarjylandyrý úshin arnaýly memlekettik qor men basqarýshy kompanıany qurý.
Zańda aktıvterdi qaıtarýdyń erikti nemese májbúrli tártibi kózdelgen.
Erikti qaıtarý adamdardyń ózderine tıesili múlikti memleketke erikti túrde qaıtarý týraly kelisimder jasasý arqyly (ıaǵnı arnaýly memlekettik qorǵa) óteýsiz berýi jolymen júzege asyrylady.
Zańdy maquldaý nátıjesinde qoǵamdaǵy áleýmettik ádilettilikti qalpyna keltirý, zańsyz ıemdenilgen jáne shyǵarylǵan aktıvterdi memleketke qaıtarý arqyly Qazaqstan halqynyń ál-aýqatyn arttyrý, aktıvterdi erikti túrde qaıtarýdy yntalandyrý, aktıvterdi zańsyz satyp alýǵa yqpal etken sebepter men jaǵdaılardy joıý qamtamasyz etilmek.
Zań aıasynda azamattyq tártipte aktıvti tárkileýdiń jańa ınstıtýty engizildi, ony qazirgi kezde shet elderde keńinen qoldanyp keledi.