Senatta zańdy talqylaý barysynda taǵy birneshe ózgeris engizildi.
Senat depýtattary sıfrlyq aktıvter týraly zań jobasyn Májiliske qaıtardy, dep habarlaıdy Almaty-akshamy.kz
Zańmen maınerlerge lısenzıa berý tártibi engiziledi. Olar Qazaqstanda resmı túrde tirkelýge mindetti bolady. Osylaısha, maınerler zańdy tulǵa retinde tirkelip, salyq salynatyn sýbektige aınalady. Maınıng-pýldar da ekonomıkanyń bir bóligi bolady. Lısenzıany sıfrlyq damý mınıstrligi beredi degen jospar bar. Al krıptobırjalar Halyqaralyq qarjy ortalyǵynda ornalasady jáne sonyń aıasynda ǵana jumys isteıdi. Sebebi Qazaqstanda krıptovalútamen tólem jasaýǵa tyıym salynǵan.
Budan bólek, maınerler tabystyń 75 prosentin otandyq krıptobırjalarda aıyrbastaýǵa mindetteledi. Bul talap 2024 jyldan bastap engiziledi. Qoldanystaǵy salyqtan bólek maınerlerdiń syıaqysyna qosarlanǵan qun salyǵy, maınıng pýldyń tabys salyǵy, sondaı-aq krıptobırjadaǵy operasıalar úshin tólem alynady.
Senatta zańdy talqylaý barysynda taǵy birneshe ózgeris engizildi. Olar:
sıfrlyq maınıng jónindegi qyzmetti júzege asyrýǵa arnalǵan lısenzıalardyń kishi túrleriniń ataýlaryn naqtylaý;
sıfrlyq maınerdiń qyzmetin jarnamalaýǵa qatysty normalardy alyp tastaý, óıtkeni olar «Jarnama týraly» zańda jáne Ákimshilik quqyqbuzýshylyq týraly kodekste kózdelgen;
zań normalaryn qoldanysqa engizý merzimderin naqtylaý.
Májilis osy ózgeristerdi qabyldaǵannan keıin zań birden prezıdenttiń qol qoıýyna jiberiledi.
Beıresmı málimetke sáıkes, halyqaralyq krıptobırjalarda bir mıllıonnan astam Qazaqstan azamaty tirkelgen. Barlyǵy krıptovalútany saýdalaıdy. Ony sur sqemalar arqyly aıyrbastaý faktileri de joq emes.
Al jańa zań boıynsha krıptobırjalar memlekettik kirister komıtetiniń aqparattyq júıelerimen ıntegrasıalanady. Maınıngke qajetti qural-jabdyqtardyń reestri de engiziledi. Sonyń arqasynda zańsyz data-ortalyqtardy barynsha azaıtýǵa bolady.