Búgingi kezdesýde qalamyzda áli de tolyq sheshimin tappaǵan qoǵamdyq kólik máselesi de tys qalmady.
Turǵyn suraǵy:
- №125 avtobýstyń ıntervaly 40 mınýt. Ol «Kókjıekke» deıin barady, men ózim osy avtobýspen júremin. Osyny retteýge bola ma?
«Maýsym aıyna deıin jańa avtobýstar alynyp jatyr. №125 avtobýs tolyǵymen jańarady. №69 marshrýtta 8 metrlik avtobýstar júr, ony da 10 metrlik avtobýsqa aýystyramyz. Qazir 10 avtobýs júrýi kerek, biraq qazir 6 qoǵamdyq kólik júredi. Jańa avtobýs kelgen soń, 12 avtobýs shyǵaryp ıntervalyn azaıtyp beremiz», - dedi Almaty qalasy qalalyq mobıldilik basqarma basshysy Saǵyndyq Telibaev.
Buǵan qosa qala ákimi Erbolat Dosaev: «Prezıdent tapsyrmasy bar. Bıyl 300 jańa avtobýs satyp alaıyn dep jatyrmyz. Biraq múmkinshilik bolsa, taǵy 200-deı avtobýs alýǵa tyrysamyz», - dep naqtylaı ketti.