Senat «Kedendik tranzıttiń kedendik rásimine sáıkes taýarlardy tasymaldaý kezinde, kedendik bajdardy, salyqtardy, arnaıy dempıńke qarsy, ótemaqy bajdaryn tóleý jónindegi mindetterdiń oryndalýyn qamtamasyz etýdi qoldaný erekshelikteri týraly kelisimdi ratıfıkasıalaý týraly» zańdy qabyldady, -dep habarlaıdy Almaty-akshamy.kz. BAQ.KZ-ke silteme jasap.
Qazirgi ýaqytta Odaqqa múshe barlyq memleket qujattar kúshine enýi úshin qajetti ratıfıkasıalaý týraly rásimderdi aıaqtady.
Eýrazıa ekonomıkalyq odaq týraly sharttyń 25-babyna sáıkes, odaqqa múshe memleketterdiń keden odaǵy sheńberinde, biryńǵaı kedendik retteýi júzege asyrylady. Sondyqtan bul kelisim erejelerin qoldaný, Odaqtyń tranzıttik áleýetin damytýǵa yqpal etedi. Kelisimniń maqsattary syrtqy ekonomıkalyq qyzmetke adal qatysýshylar úshin kedendik rásimderdi ońaılatýǵa jáne ýaqyt pen qarjylyq shyǵyndaryn qysqartýǵa baǵyttalǵan, - dep túsindirdi senator.
Sonymen qatar kedendik jáne ózge tólemderdi tóleý jónindegi mindetti oryndaýdy qamtamasyz etý júıesiniń qoljetimdiligin jáne qarjylyq senimdiligin arttyrý - kelisim maqsattarynyń basymdylyǵy.
Mákejanov kelisimniń erekshelikterin de atap ótti.
Birinshiden, tranzıttik tasymaldardy júzege asyrý kezinde kedendik tólemderdi tóleý jónindegi mindetterdi oryndaýdy qamtamasyz etýmen jumys tájirıbesi bar jáne belgilengen ólshemderge saı keletin deklaranttar úshin ońaılatýlardy qoldaný múmkindigin kózdeıdi. Mundaı deklaranttar birneshe tranzıttik deklarasıalar boıynsha tasymaldanatyn taýarlarǵa qatysty keden bajdarynyń, osyndaı taýarlarǵa qatysty tólenýge jatatyn salyqtardyń somasynan az mólsherde (20%-ǵa) qamtamasyz etýdi usyna alady, - dep aıtty senator.
Ekinshiden, Ulttyq kepilgerler dep tanylǵan kepilgerler úshin ońaılatýlardy qoldaný múmkindigin kózdeıdi. Bul tulǵalar, belgili bir sharttar saqtalǵan kezde, qarjylyq kepildik mólsheriniń 10%-dan 100%-na deıin ońaılatýdy qoldana alady.
Iaǵnı kelisim tranzıttik tasymaldardy júzege asyrý kezinde syrtqy ekonomıkalyq qyzmetke adal qatysýshylardyń shyǵyndaryn azaıtýǵa múmkindik beredi.
Qazaqstan Respýblıkasynyń atalmysh kelisimdi qabyldaýy bızneske «Kepilgerlik» ınstıtýtyn damytýǵa jáne qalyptastyrýǵa qatysýǵa múmkindik beredi. Ol óz kezeginde taýarlardy tasymaldaý kezinde ulttyq tasymaldaýshylar úshin, zamanaýı ozyq tájirıbelerdi qoldanýǵa jaǵdaı jasaıdy.
Senat osy máselege qatysty qaýlyǵa biraýyzdan daýys berdi.