Bul jańalyq semizdikti tıimdi ári jeńilirek emdeýge kómektesedi.
San-Fransıskodaǵy Kalıfornıa ýnıversıteti ǵalymdary tóńkeriske teń jańalyq ashty, dep habarlaıdy Almaty-akshamy Mediatanym telegram arnasyna silteme jasap.
Aq maı jasýshalaryn qońyr túrine aınaldyrý arqyly semizdikpen kúresýge bolady. Aq maı denede jınalady, al qońyr jasýshaly maı kalorıany joıyp jiberedi.
Semizdik – densaýlyq saqtaý salasynyń jahandyq problemasy, ol dıabet, júrek aýrýlarymen baılanysyp jatyr. Adamnyń qarynyna jınalatyn aq maı aǵzada energıa jınaqtaýdy bildirgenmen, shamadan artsa qaýipti.
Al qońyr jasýshalar termogenezge qatysady – jylý shyǵaryp, dene temperatýrasyn ustap turady. Aqshyl tústi maı jasýshalary aǵzanyń qajettiligine qaraı energıany saqtaýǵa ári jumsaýǵa qatysady.
Adam aǵzasy aq maı jasýshalaryn qońyr/aqshyl jasýshalarǵa tabıǵı túrde aınaldyra alady deıdi ǵalymdar. Bul ádis kópten beri zerttelip kele jatyr.
Kalıfornıa ýnıversıteti ǵalymdary aq maıdy qońyr tústige aınaldyratyn KLF-15 aqýyzyn tapty. Tyshqandarǵa jasalǵan synaq sátti ótti. Qosymsha zertteýler men klınıkalyq synaqtar júrgizilgen soń semizdikke ushyraǵan mıllıondaǵan adamdy emdeýdiń ozyq tásili qoldanysqa engiziledi.