Semeıden shyqqan áıgili boksshy Vladımır Klıchko rıngke qaıta oralý múmkindi ýkraınalyq «Bombardır» podkastynyń suhbatynda málimdedi, - dep habarlaıdy aqshamnews.kz
Vladımır Klıchkonyń rıngke qaıta oralýy týraly áńgime Maık Taısonnyń bloger Djeık Polmen ótkizgen jekpe-jegi talqylanǵan kezde kóterildi. Taısonnyń 58 jasynda rıngke shyǵyp, jaqsy nátıje kórsetkenine tańdanysyn bildirgen Vladımır Klıchko ózi de rıngke qaıta oralý múmkindigin qarastyratynyn aıtty.
«Rekordtardy buzyp, jańasyn ornatý úshin jasalady», — dedi ol, 45 jasynda álem chempıony atanǵan Djordj Formannyń jetistigin meńzep.
Ýkraınalyq sportshy ózin árdaıym tamasha fızıkalyq formada ustaıtynyn atap ótti.
«Eger ýaqyt bolyp, múmkindik týsa, Djordj Formannan keıin jańa rekord ornatýǵa degen nıet týyndasa... Bul men úshin tıimdi me? Onda men daıynmyn», — dep qosty Klıchko.
Degenmen, sportshy 2024 jyly mundaı jekpe-jek bolmaıtynyn naqtylady.
Klıchko sońǵy jekpe-jegin 2017 jyldyń 29 sáýirinde brıtandyq Entonı Djoshýamen ótkizgen bolatyn. Sol kezdesýde ýkraınalyq boksshy jeńilip qalǵan. Qazirgi ýaqytta Semeı týmasy 48 jasta.