Semeı qalasynan Alakóldiń kýrorttyq aımaǵyna qaraı «Semeı — Dostyq» baǵyty boıynsha jolaýshylar poıyzynyń alǵashqy reısi jolǵa shyqty, dep habarlaıdy almaty-akshamy.kz.
Poıyz eki kún saıyn taq kúnderi júredi. Poıyzdyń syıymdylyǵy — 354 jolaýshy, al jol júrý ýaqyty 16 saǵat 40 mınýt.
Sonymen qatar, jaz mezgilinde temir jol boıymen uzyndyǵy 731 shaqyrymdy quraıtyn áleýmettik mańyzy bar «Semeı — Jalańashkól» baǵyty ótedi. Poıyz eki kún saıyn 7 vagonmen júredi. Jol júrý aqysy: plaskartpen 4 322 teńge, al kýpe vagonynda — 6 226 teńge.
Poıyzdyń «romantıkasyn» da, joldyń «súıkimdiligin» de jaqtyrmaıtyndar úshin «Iýjnoe nebo» áýe kompanıasynyń áýe kóligi qoljetimdi. Syıymdylyǵy 50 adamǵa deıingi AN-24 jolaýshylar ushaǵy «Semeı — Úrjar» baǵyty boıynsha aptasyna úsh ret (maýsymnan tamyzǵa deıin — aptasyna bes retke deıin) ushýdy oryndaıdy. Bılet quny — 14 000 teńge.