Reseı Prezıdenti Vladımır Pýtın Qazaqstan Prezıdenti Qasym-Jomart Toqaevpen senimdi ári dostyq qarym-qatynas ornatqanyn málimdedi, dep habarlaıdy almaty-akshamy.kz.
"Biz Qasym-Jomart Kemelulymen turaqty baılanystamyz. Biz óte meıirimdi, senimdi qarym-qatynas ornattyq. Qazir energetıka týraly aıtatyn bolsaq, Ózbekstanǵa gaz berip qana qoımaı, Soltústik Qazaqstanǵa da bizdiń energıa tasymaldaýshylarymyz qajet. Iá, Qazaqstan ózi óndiredi, biraq soǵan qaramastan gazben jabdyqtaýdy qajet etetin Qazaqstannyń iri oblystary bar. Mıllıardtaǵan dollarǵa jańa marshrýttar salǵannan góri Reseıden gaz alý ońaı ári arzan", – dedi Pýtın.
Bul málimdeme Sankt-Peterbýrgte ótken jetekshi álemdik aqparattyq agenttikterdiń basshylarymen kezdesý barysynda jasaldy.
Pýtın eki el arasyndaǵy barlyq derlik vektorlar boıynsha óte belsendi birlesken jumys júrip jatqanyn atap ótti. Onyń aıtýynsha, bul yntymaqtastyq Prezıdent Toqaevtyń arqasynda múmkin bolyp otyr.
"Prezıdent Toqaev bizdiń barlyq baǵyttar boıynsha ózara is-qımylymyzdy qoldaıdy", – dedi ol.