Bala "jedel járdem" kelgenge deıin qaıtys boldy
Semeıde 13 jastaǵy oqýshy mektep asqanasynda tamaqtaný kezinde qaıtys boldy, dep habarlaıdy Almaty-akshamy.kz turkystan.kz silteme jasap.
Abaı oblysy bilim basqarmasynyń málimetinshe, oqýshy túski as kezinde esinen tanyp qalǵan. Oǵan alǵashqy medısınalyq kómek dereý kórsetilgen. Alaıda bala "jedel járdem" kelgenge deıin qaıtys boldy.
Medısınalyq saraptamanyń qorytyndysy boıynsha, bala tamaqtyń iri kesekterine shashalyp, tynys alý joldarynyń jabylýyna baılanysty mehanıkalyq asfıksıadan kóz jumǵan.
«Internatqa ol Semeı qalasynyń 2016 jylǵy 13 qańtardaǵy «Psıhologıalyq-medısınalyq-pedagogıkalyq konsýltasıasynyń qorytyndysy» negizinde qabyldandy. Oǵan «Aqyl-oıynyń jeńil kemistigi» dıagnozy qoıyldy. Dúısenbiden jumaǵa deıin № 6 arnaıy mektep -ınternatta turyp, oqydy. Senbi jáne jeksenbi kúnderi anasy úıine alyp ketetin», – delingen resmı habarlamada.
Qazirgi ýaqytta qylmystyq is qozǵaldy.