Tekserý barysynda jasóspirim oıynshyq qarý ustap júrgeni belgili boldy
Semeı qalasyndaǵy Zaton polısıa bóliminiń kezekshi bólimine 342 kvartaldaǵy «Radýga» saýda úıi aýdanynda jas jigittiń myltyqpen júrgeni týraly habarlama túsken, dep habarlaıdy Almaty-akshamy.kz Altaınúske silteme jasap.
Patrúldik polısıa batalónynyń qyzmetkerleri qolynda teleskopıalyq kózdeýish bar myltyq alyp júrgen 17 jastaǵy jigitti ustady.
Tekserý barysynda jasóspirimniń eki kún buryn týǵan kúninde ata-anasy bergen aqshaǵa oıynshyq qarý satyp alǵany belgili boldy.
«Zaton polısıa bólimi ıývenaldyq polısıa tobynyń qyzmetkerleri zańdy ókilderiniń qatysýymen kámeletke tolmaǵan balaǵa qatysty profılaktıkalyq áńgime júrgizdi. Oıynshyq myltyq týǵan kún ıesine qaıtaryldy», - dep habarlaıdy SHQO PD baspasóz qyzmeti.