Qabyldanyp jatqan sharalar eldegi turǵyn úı jáne ónerkásip qurylysynyń qarqynyn tómendetpeýge múmkindik beredi
Qalyptasqan geosaıası jaǵdaıǵa baılanysty týyndaǵan kólik-logıstıkalyq daǵdarys aıasynda bıyl basqa elderdegideı Qazaqstanda da obektiler qurylysynyń qymbattaýy jáne qurylys materıaldaryn jetkizýshilerdiń alypsatarlyq áreketteriniń ósýi ózekti másele bolyp otyr. Bul týraly IIDM baspasóz qyzmeti málimdedi, dep habarlaıdy Almaty-akshamy.kz.
«Osyǵan baılanysty ishki naryqtyń qurylys materıaldaryna degen qajettiligin qanaǵattandyrý, sondaı-aq ımportqa táýeldilikti tómendetý jáne baǵanyń aýytqýyn boldyrmaý úshin 2025 jylǵa deıin 15,7 myńnan astam jańa jumys oryndaryn ashyp, 157 ınvestısıalyq jobany iske asyrý usynyldy. Qazirgi ýaqytta óńirlerdegi ákimdikterimen, damý ınstıtýttarymen jáne «Atameken» UKP-men kelise otyryp qurylys ındýstrıasy jobalaryn 2025 jylǵa deıin egjeı-tegjeıli iske asyrý jónindegi Jol kartasy ázirlenip, bekitildi», - delingen habarlamada.
Sonymen qatar Indýstrıa jáne ınfraqurylymdyq damý mınıstrligi «Samruk-Kazyna Construction» AQ-men birlesip, ımportty almastyratyn 35 joba iriktep aldy.
Atalǵan jobalardy iske asyrý santehkeramıka, jylý oqshaýlaǵysh materıaldar, bólmeler arasyndaǵy esikter, DSP, shyny, keramıkalyq plıtkalar, eden jabyndary jáne basqa da suranysqa ıe qurylys materıaldary sanatyndaǵy ımport úlesin tómendetýge múmkindik beredi.
Sondaı-aq mınıstrlik búdjet qarajaty esebinen salynyp jatqan obektiler qurylysynyń qymbattaýynyń aldyn alý úshin qadamdar jasady. Máselen, qurylys resýrstary qunynyń eleýli aýytqýyna jedel den qoıý maqsatynda vedomstvo qurylys materıaldarynyń ózekti smetalyq baǵalarynyń jınaqtary shyǵarylýda. Bul búdjettik obektilerdiń aıaqtalmaǵan qurylys kóleminiń ulǵaıyp ketý táýekelin tómendetýge múmkindik beredi.
Oryn alyp jatqan prosesterge baılanysty Qazaqstanda memlekettik ınvestısıalar esebinen salynyp jatqan 286 nysannyń qurylysy toqtatylǵanyn atap ótken jón. 84 jaǵdaı boıynsha qurylys jumystary jobalardyń qymbattaýyna baılanysty toqtap qalǵany anyqtaldy.
Qurylys salasyn turaqty monıtorıńileý nysandardy qarjylandyrý kezinde jergilikti atqarýshy organdardyń júıesiz is-qımyly osyndaı qymbattaýdyń birden bir sebebi bolyp tabylatynyn kórsetedi. Bir nysandy aıaqtamaı, olar taǵy birneshe jobany júzege asyrýǵa kirisedi jáne osy qarajat sheginde qurylystyń aıaqtalý merzimin uzartady. Bul merdigerlerdiń óz mindettemelerin tolyqtaı oryndamaı, qurylys jumystarynyń toqtaýyna ákep soǵady. Ótken jyly qurylys resýrstary qunynyń ósýine baılanysty óńirlerdiń ákimdikteri 641 joba boıynsha qurylys qunyn túzetý boıynsha ótinish bildirgen.
Osyǵan baılanysty IIDM Qarjy mınıstrligine qarjylandyrý merzimderin oryndaý bóliginde jaýapkershilik sharalaryn qatańdatýdy, sondaı-aq jobalardy túzetýdi jeńildetý bóliginde memlekettik aýdıt júrgizý merzimderin naqtylaýdy usyndy.
Qabyldanyp jatqan sharalar eldegi turǵyn úı jáne ónerkásip qurylysynyń qarqynyn tómendetpeýge múmkindik beredi.
Anyqtama: 2022 jyly 15,1 mln sharshy metr jańa turǵyn úı salý josparlanǵan. 2022 jyldyń 2 aıynda 1,8 mln sharshy metr turǵyn úı paıdalanýǵa berildi. 2021 jyldyń uqsas kezeńimen salystyrǵanda 13 óńirde turǵyn úıdi paıdalanýǵa berý kóleminiń ulǵaıýy baıqalady. Eń joǵary ósim baıqalatyn óńirler: Pavlodar (191,1%), Soltústik Qazaqstan (146,3%), Túrkistan (139,5%), Almaty (125,2%) jáne Aqmola (113,8%) oblystarynda, sondaı-aq Almaty qalasy (110,5%). 2022 jyly turǵyn úı qurylysy salasyna 2,4 trln teńge ınvestısıalar tartý josparlanyp otyr.