Jasóspirim fotosessıa jasaý kezinde abaısyzda ózenge qulap, sýǵa batyp ketken.
Qazirgi tańda qutqarýshylar 16 jasar qyzdy izdestirip jatyr, dep habarlaıdy aqshamnews.kz Astanatv.kz-ke silteme jasap.
Oqıǵa Qasqasý aýylynan 15 shaqyrym jerdegi «Saıram-Ógem» ulttyq parkiniń aýmaǵynda boldy. Dostarynyń aıtýynsha, jasóspirim fotosessıa jasaý kezinde abaısyzda Saıram sý ózenine qulap ketken. İzdestirý-qutqarý jumystaryna Túrkistan oblysy TJD-niń 54 qyzmetkeri, 1 júzý quraly jáne 4 tehnıkasy jumyldyryldy. Sondaı-aq, Túrkistan oblysy polısıa departamentiniń 6 qyzmetkeri men 3 tehnıkasy jáne jergilikti atqarýshy organdardan 11 adam izdeý jumystaryn júrgizip jatyr.
«Azamattardy sýdaǵy qaýipsizdik erejelerin qatań saqtaýǵa shaqyramyz», - dedi, Túrkistan oblysy Tótenshe jaǵdaılar departamenti bastyǵynyń orynbasary Asqat Erjanov.