Sebebi elde iri qara men usaq mal azaıǵan.
Ulttyq statısıka búrosynyń resmı málimetinshe, jyldyń alǵashqy toqsanynda 9,1 mln bas Zeńgi baba tuqymy tirkelgen, dep habarlaıdy aqshamnews.kz 24.kz-ke silteme jasap.
Ótken jylmen salystyrǵanda 140 myńǵa kemigeni baıqalady. Al qoı-eshki 23,7 mln shamasynda. Byltyrǵydan 700 myńǵa az. İrili-usaqty mal basyn shetelge shyǵarýǵa tyıym salý merzimi taǵy 6 aıǵa uzartyldy. Bul sút-taýarly fermalaryn aýqymdy salý jáne aýstralıalyq ádispen mal sharýashylyǵyn damytýdy qoldaýǵa baǵyttalǵan. Sonymen qatar kóliktiń barlyq túrimen Qazaqstan aýmaǵyna bıdaı ákelýge tyıym salý jyl sońyna deıin uzartylyp otyr. Elde qazir egin alqaptarynyń jalpy kólemi 24 mln gektarǵa jýyqtaıdy. Sonyń 13,7 mln gektaryna bıdaı egildi. Byltyrmen salystyrǵanda 423 myń gektarǵa qysqarǵan. Óıtkeni Memleket basshysynyń tapsyrmasyna sáıkes aýyl sharýashylyǵy daqyldaryn ártaraptandyrý jumystary júrgizilip jatyr.