Qasym-Jomart Toqaevtyń saıasaty durys.
Qazaqstan Jýrnalıser odaǵynyń tóraǵasy Seıtqazy Mataev prezıdent saılaýyna qatysty óz oıymen bólisip, kimge jáne ne úshin daýys bergenin aıtty, dep habarlaıdy Almaty-akshamy.kz.
"Saılaýǵa bardym. Óz tańdaýymdy jasap, daýysymdy Qasym-Jomart Toqaevqa berdim. Óıtkeni, onyń básekelesteri álsizdeý boldy, tańdaý bolmady. Qasym-Jomart Kemelulyn kóptegen jyldar boıy, 1991 jyldan, ol Syrtqy ister mınıstriniń birinshi orynbasary bolǵan kezinen bastap bilemin. Men ol kezde Prezıdenttiń baspasóz hatshysy bolatynmyn. Keıin ol Senat spıkeri, BUU Bas hatshysynyń orynbasary qyzmetine aýysty.
Negizinde, Qasym-Jomart Toqaevtyń saıasaty durys. Men saılaý kúni telemarafondy kórip, saıası naýqannyń barysyn jiti baqylap otyrdym. Halyq Memleket basshysynyń durys sheshim qabyldaǵanyna senimdi bolýy kerek. Qazir Prezıdenttiń atyna óte kóp syn aıtylady, biraq onyń barlyǵyn adam balasy qabyldaı almaıdy. Sondyqtan oǵan barlyq reformalaryn júzege asyrýǵa ýaqyt pen múmkindik berý kerek. Bizge barlyǵyna sabyrmen qaraý kerek. Óıtkeni, sabyr – jetistikke qol jetkizýdiń syrly kilti.
Memleket basshysy birinshi kezekte sot reformasyn júrgizýi kerek dep sanaımyn. Óıtkeni, ádiletsiz aıyptaý men jalǵan jaladan kóptegen adamdar zardap shegedi. Tergeý ádiletti jáne beıtarap bolýy kerek. Alaıaqtyq pen burmalaýshylyqtyń saldarynan jazyqsyz japa shegý adam júregine shemen bop qatpasa, maıdaı jaqpaıdy. Biz muny ulymyz ekeýmiz óz basymyzdan ótkerdik.
«BAQ týraly» zańǵa ózgerister engiziledi dep kútilýde. Olar jýrnalıser qaýymdastyǵymen belsendi túrde talqylanyp, qoldaý alýy kerek. Aldyńǵy zań BAQ ókilderimen birge talqylanǵan joq. Biraq ony sheneýnikter, baspasózge qatysy joq adamdar toby qabyldady.
Men aldaǵy parlamenttik saılaýdy asyǵa kútemin jáne onyń qyzyqty ótetinine senimdimin", - dedi Seıtqazy Mataev.