THKB arqyly ımport 91%-ǵa ósti.
Qazaqstan Reseı arqyly metaldy az jáne Transkaspıı halyqaralyq kólik baǵyty boıynsha kóbirek eksporttaı bastady, dep habarlaıdy Almaty-akshamy.kz LS cilteme jasap.
"Qazaqstan temir joly" mekemesiniń aqparaty boıynsha, 2022 jyldyń 10 aıynda Qazaqstannyń Reseı arqyly eksporty 7%-ǵa ósti. Qazaqstandyq ónimdi jetkizýdiń jalpy qurylymynda osy el arqyly júk tasymalynyń úlesi 25%-dy quraıdy.
Sonymen birge, el Reseı arqyly qara metaldardy, hımıalyq zattar men soda, tústi metaldar, hımıalyq jáne mıneraldy tyńaıtqyshtardy az tasymaldaı bastady.
"Qara jáne tústi metaldar THKB baǵyty boıynsha, sondaı-aq, Qytaı, Ózbekstan jáne Aýǵanstan baǵytynda qaıta baǵdarlandy. Ýkraına baǵytynda hımıalyq zattar men soda men hımıalyq jáne mıneraldy tyńaıtqyshtardy tasymaldaý toqtatyldy, qaıta baǵyttaý júrgizilmedi", - dep naqtylady Saýda jáne ıntegrasıa mınıstrliginde.
Qazaqstandyq ónimniń Transkaspıı halyqaralyq kólik baǵyty arqyly eksporty 10 aıda 6,5 ese óskenin atap ótti. Metaldardan basqa, olar munaı ónimderin de tasymaldaı bastady.
Importqa keletin bolsaq, Reseı arqyly jetkizilim kórsetkishteri ózgerissiz qaldy. Osyǵan qaramastan, osy el arqyly Qazaqstanǵa qurylys júkteri, astyq jáne qant ónimderi az ákeline bastady.
Saýda mınıstrligi muny qurylys materıaldary Ózbekstannan, astyqty Reseıden, qant ónimderin Latvıadan, Ázirbaıjannan jáne Ózbekstannan ákeletindigimen túsindirdi.
THKB arqyly ımport 91%-ǵa ósti. Eń úlken ósý hımıalyq zattar men soda, qara metaldar, shyryndar men sýsyndarǵa tıesili.
Buǵan deıin, LS redaksıasy Qazaqstannyń teńiz jolymen júk tasymalyn kúrt arttyrǵanyn habarlaǵan bolatyn.