Daryndy jas, belgili mýzykant Rahat-Bı Ábdisaǵın 20 qarasha kúngi Prezıdent saılaýyna qatysyp, Ulybrıtanıadaǵy QR elshiliginde óz tańdaýyn jasaǵan edi.
«Qazaqstanda ótken saılaý eldiń bolashaǵyna qatysty naqty kózqarasy men jospary bar kóshbasshyny tańdaýmen aıaqtaldy. Bul jolda qazaqstandyqtar ózderiniń basymdyqtaryn tanytyp, aldaǵy jeti jylda Qasym-Jomart Toqaevpen birge bolýǵa daıyn ekendikterin kórsetti. Men de azamattyq boryshymdy oryndadym. Ózge memlekette júrsem de, Qazaqstan Respýblıkasy prezıdentiniń saılaýyna qatysyp, daýys berdim. Óıtkeni, bul kún - elimizdiń taǵdyry men bolashaǵyn aıqyndaıtyn mańyzdy oqıǵa. Men «halyqtar baılyǵynyń shynaıy ólshemi retinde qarjylyq kapıtaldy kóleńkelendiretin ıntellektýaldy noý-haýǵa» daýys berdim.
Qazirgi tańda men shyǵarmashylyq qyzmetime baılanysty Ulybrıtanıada turyp jatyrmyn. Óz tańdaýymyzdy jasaý úshin Ulybrıtanıadaǵy QR Elshiligine, London qalasyna Rústem Kenjebekov esimdi jaqyn dosym ekeýmiz bardyq. Ol Londonnyń aty ańyzǵa aınalǵan ekonomıka mektebinde (LSE) magıstratýrada oqıdy. Bolashaǵynan mol úmit kúttiretin tamasha ekonomıs. Men óz halqyma jáne óz elimniń jarqyn bolashaǵyna senemin!