Almatyda Seıfýllın-Jansúgirov boıyndaǵy jolaıryǵy jumystary 2024 jyldyń sońyna deıin aıaqtalady, dep habarlaıdy almaty-akshamy.kz
Áýezov aýdany turǵynynyń suraǵy: Saın, Seıfýllın kóshelerin qolǵa alyńyz. Óıtkeni avtobýspen olardyń boıymen uzaq júresiń. Tipti, vokzalǵa áreń jetesiń.
- Biz marshrýttardy durys qurý jáne olardy qalanyń múmkindikterine sáıkes ońtaıly etý úshin jumys istep jatyrmyz. Men Almatynyń mobıldilik basqarmasynyń bastyǵyna Saın kóshesi boıymen vokzalǵa qala kólikterimen jetýge qatysty tapsyrma beremin. Seıfýllın kóshesinde biz jumysty bastadyq, onyń ishinde Seıfýllın-Raıymbek qıylysynda. Al bizde Seıfýllın-Jansúgirov boıyndaǵy jolaıryǵynyń qurylysy áli bitken joq. Barlyq jumystar aıaqtalǵan soń, kólikpen júrý de ońaı bolady. Jolaıryǵynyń qurylysyn kelesi jyldyń sońyna deıin aıaqtaımyz, - dedi Almaty ákimi Erbolat Dosaev.
- Biz Almatynyń 2040 jylǵa deıingi Bas josparynda kózdelgen qalanyń kólik qurylymyn ázirleýdi bastadyq. Biz tańerteń de, keshke de Saın kóshesindegi júktemege qatysty máseleni qarastyramyz. Kólik qurylymy negizinde biz osy máseleni sheshý úshin ózgerister engizemiz, - dep jaýap berdi Mobıldilik basqarmasynyń basshysy Saǵyndyq Telibaev.