Áleýmettik jelide Dımash Qudaıbergenniń qaryndasy Raýshannyń uzatý toıyna kıgen obrazynyń tolyq baǵasy aıtyldy. Ony qazaqstandyq bloger Jansaıa Mahabaeva eseptep kórdi, - dep habarlaıdy Aqshamnews.kz tilshisi.
Raýshan Qudaıbergen 1 tamyzda uzatylǵan edi. Toı qazaqı stılde ótti. Ol teatr ártisi Ermahan Aımahanmen shańyraq kóterdi.
"Tolyq obrazy qazaqstandyq dızaıner Azamat Arǵynbaevtan eken. Kóılegi - 250 myń, kájekeı - 500 myń teńge, úkili taqıa - 65 myń teńge, qamzoly - 1 mıllıon teńge. Al sáýkele men áshekeı buıymdary qazaqstandyq dızaıner Elmıra Ibragımovadan. Sáýkele asyltastarmen, kúmispen jáne qundyzben bezendirilgen, baǵasy - 3 mıllıon 780 myń teńge. Al áshekeılerinen, shekelik - 810 myń teńge, shashtaraq - 864 myń teńge. Besbilezik - 783 myń teńge, óńirjıek alqasy - 648 myń teńge, syrǵa - 378 myń teńge, shashbaý - 850 500 teńge. Al úzbeli belbeý - 1 mıllıon 890 myń teńge", - deıdi ol.
Blogerdiń aıtýynsha, Raýshan Qudaıbergenniń tolyq obrazy 11 mıllıon 818 myń 500 teńgege shyqqan.
Eske salaıyq, buǵan deıin Dımash Qudaıbergen Instagram-paraqshasynda qaryndasyna arnap arnaıy án jazǵanyn aıtqan edi. Óner ıesi inisi Mansurmen birge "Qarlyǵashym, uıa salǵanda…" atty jańa ánin toıda oryndady.
"Raýshantaıyma Mansur inimmen birge, "Qarlyǵashym uıa salǵanda…" atty ánimdi aqjúrek tilegimiz retinde qabyl alǵaısyń! Júrektegi saǵynysh pen qımastyqty osy ánniń ón boıynan kórsetkimiz keldi. Baqytty bol, qarlyǵashym meniń!" - dedi ol.