Úkimet Kaspıı máselesin zertteýge qosymsha 305 mıllıon teńge bóldi, dep habarlaıdy aqshamnews.kz
«Qazaq Kaspıı teńizi ǵylymı-zertteý ınstıtýty» KeAQ-qa Úkimet rezervinen 305 mln teńge bólindi. Premer-mınıstr Oljas Bektenov tıisti qaýlyǵa qol qoıdy», – delingen úkimet taratqan aqparatta.
2025 jyly Qazaqstanda Kaspıı teńizi jónindegi ǵylymı-zertteý ınstıtýty jumysyn bastaǵan. Olar teńizdiń tartylý sebepterin zerttep, ekojúıe jaǵdaıyn baqylap, sý qoımasyn qalpyna keltirý jolyn izdeıdi. Uıymdy qarjylandyrýǵa buǵan deıin 846 mıllıon teńge bólinetini habarlanǵan.
• 518 mln teńge – jabdyq satyp alýǵa (jergilikti búdjetten),
• 328 mln teńge – shtat pen ınfraqurylymdy ustaýǵa (respýblıkalyq búdjetten).
2024 jyly Kaspııdiń Qazaqstan jaq bóligindegi sý deńgeıi 26 sm-ge tómendep, Baltyq júıesi boıynsha -29,12 metrge jetti. 2050 jylǵa qaraı taǵy 3–5 metrge túsýi múmkin.