Bıylǵy jyldyń ekinshi toqsanynda Almatyda zańsyz salynǵan saýda nysandaryn súrý bastalady.
Bul týraly ÓKQ brıfıńinde Almaty qalasynyń kásipkerlik jáne ınvestısıalar basqarmasynyń basshysy Berik Soltanbaev aıtty,-dep habarlaıdy Almaty-akshamy.kz.
Spıkerdiń aıtýynsha, 2022 jyly júrgizilgen monıtorıń nátıjeleri boıynsha megapolıste 500-den astam zańsyz ornatylǵan stasıonarlyq emes saýda nysandary anyqtalǵan. Bul rette zańsyz ornatylǵan pavılondar, dúńgirshekter men kıoskiler elektr jelisine qosylǵan, keıbirinde jylý bar.
«Biz qazirdiń ózinde zańsyz stasıonarly emes saýda nysandarynyń menshik ıelerimen óz erkimen súrý boıynsha túsindirý jumystaryn júrgizip jatyrmyz. Sondyqtan, aldaǵy ýaqytta stasıonarlyq emes saýda nysandaryn ózdiginen salýdyń aldyn alý úshin Almatynyń qalalyq josparlaý jáne ýrbanıstıka basqarmasy stasıonarlyq emes saýda nysandaryn ornalastyrý syzbalaryn ázirleýde. Endi stasıonarlyq emes saýda nysandaryn qatań túrde osy syzbaǵa sáıkes ornatýǵa ruqsat beriledi», - dedi B. Soltanbaev.
Ornalastyrý syzbalary bekitilgennen keıin 2023 jyldyń ekinshi toqsanynda jergilikti atqarýshy organdar zańsyz stasıonarly emes saýda nysandaryn súrý jumystaryn bastaıdy. Mundaı «núkteler» ınjenerlik jelilerden ajyratylady.
Sonymen qatar, erejege baǵynbaıtyn saýdagerlerge qatysty QR ÁQBtK-niń 204 jáne 505-baptary boıynsha aıyppul túrindegi ákimshilik sharalar qoldanylatyn bolady.
Anyqtama úshin: QR ÁQBtK-tiń 204-baby – eskertý nemese 5 AEK kóleminde aıyppul, qaıtalaǵan jaǵdaıda aıyppul 10 AEK. QR ÁQBtK-niń 505-baby boıynsha – jeke tulǵalarǵa eskertý nemese aıyppul salý – 20 AEK, SHKS - SHKS – 30 AEK, OKS – 50 AEK, qaıtalap buzǵan jaǵdaıda jeke tulǵalar úshin aıyppul - 30 AEK, SHOK – 40 AEK, ÁQK – 50 AEK. 1 AEK = 3 450 teńge.