Saılaý ýchaskelerin tekseretin almaty_sailau2023_bot Telegram-boty iske qosyldy.
Aýmaqtyq saılaý komısıasy tóraǵasynyń orynbasary Áset Tumatov almatylyqtarǵa saılaý ýchaskesin qalaı tabýǵa bolatynyn aıtty, dep habarlaıdy Almaty-akshamy.kz
Almatylyqtar saılaý ýchaskesin eki tásil arqyly bile alady: Telegram bot nemese biryńǵaı call-ortalyq.
"Birinshiden, biz Telegram botyn iske qostyq. Burynǵy saılaý naýqandary men referendýmdar kórsetkendeı, bul – óte tıimdi ádis. Qalada saılaý ýchaskelerin tekseretin almaty_sailau2023_bot Telegram-boty iske qosyldy. Sondaı-aq 1315 nómiri boıynsha biryńǵaı baılanys ortalyǵy ashyldy. Bul eki resýrs saılaý ýchaskeńizdi anyqtaýǵa múmkindik beredi", - dedi Aýmaqtyq saılaý komısıasy tóraǵasynyń orynbasary Áset Tumatov.
Ortalyq komýnıkasıalar qyzmetinde ótken brıfıńte Almaty qalalyq saılaý komısıasynyń tóraıymy Aıgúl Qalyqova bir mandatqa orta eseppen 10 adam úmitker bop otyrǵanyn aıtty.
19 naýryzda Qazaqstanda Májilis pen máslıhat depýtattaryn saılaý ótedi.
Parlament Májilisi 98 depýtattan turady. Aldaǵy kezekten tys saılaýda 69 depýtat partıalyq tizim boıynsha, 29 depýtat bir mandatty aýmaqtyq okrýgterden saılanady.