Premer-Mınıstr Álıhan Smaıylov «Altyn Orda» iri saýda ornynyń jumysy jóninde keńes ótkizdi, dep habarlaıdy Almaty-akshamy.kz
Saýda ornyndaǵy túrli tekserýler sanıtarlyq, eńbek, órtke qarsy jáne salyqtyq baqylaýǵa qatysty 300-den astam zań buzýshylyqty anyqtady.
Keńes qorytyndysy boıynsha Premer-Mınıstr saýda ornynyń qyzmetine baqylaý uıymdastyrýdy tapsyrdy. Prokýratýra, polısıa, básekelestikti qorǵaý jáne qarjylyq monıtorıń agenttikteri, basqa da ýákiletti memlekettik organdar qyzmetkerlerinen quralǵan mobıldik top barlyq zań buzýshylyqtar tolyǵymen joıylǵanǵa deıin jumys isteıtin bolady.
Sonymen qatar Almaty aglomerasıasynda balamaly kóterme-taratý ortalyqtaryn qurý prosesi jalǵasady.
Bul «Altyn Orda» saýda ornynyń óńirlik deńgeıde ári búkil el aýmaǵy boıynsha baǵa saıasatyna yqpalyn azaıtyp, tıimsiz deldaldardy joıýǵa jáne saýdany ońtaılandyrýǵa múmkindik beredi.