Saýda jáne ıntegrasıa birinshi vıse-mınıstri taǵaıyndaldy

Úkimettiń qaýlysymen Shaqqalıev Arman Abaıuly Qazaqstan Respýblıkasynyń saýda jáne ıntegrasıa birinshi vıse-mınıstri qyzmetine taǵaıyndaldy. Bul týraly Premer-Mınıstrdiń baspasóz qyzmeti málimdedi, dep habarlaıdy Almaty-akshamy.kz.
Arman Shaqqalıev 1977 jyly Qaraǵandy oblysynyń Balqash qalasynda dúnıege kelgen.
L.Gýmılev atyndaǵy Eýrazıa ýnıversıtetin, E.Bóketov atyndaǵy Qaraǵandy memlekettik ýnıversıtetin, M.Dýlatov atyndaǵy Qostanaı ınjenerlik-ekonomıkalyq ýnıversıtetin bitirgen.
Eńbek jolyn Astana qalasy jáne Aqmola oblysy boıynsha «Kásiporyndardy qaıta uıymdastyrý jáne taratý agenttigi» AAQ zań keńesshisi bolyp bastaǵan.
2001-2002 jyldary – Memlekettik materıaldyq rezervter jónindegi agenttiktiń bas mamany, bólim bastyǵy.
2002-2004 jyldary – Memlekettik kiris mınıstrligi Dármensiz boryshkerlermen jumys jónindegi komıtettiń dármensiz kásiporyndardy taldaý jáne monıtorıńileý basqarmasynyń basshysy.
2004-2006 jyldary – «Qazaqstan metrologıa ınstıtýty» RMK dırektory.
2006-2007 jyldary – Dármensiz boryshkerlermen jumys jónindegi komıtet tóraǵasynyń orynbasary.
2007-2008 jyldary Qarjy, Ekonomıka jáne Búdjettik josparlaý mınıstrlikteriniń, «QazAgro» holdıńi qurylymdarynda basshylyq laýazymdarda jumys istedi.
2008-2016 jyldary — «Qazaqstan standarttaý jáne metrologıa ınstıtýty» respýblıkalyq memlekettik kásipornynyń dırektory.
2016-2018 jyldary – Eýrazıalyq ekonomıkalyq komısıanyń Tehnıkalyq retteý jáne akredıtteý departamentiniń dırektory.
2018-2019 jyldary – Investısıalar jáne damý mınıstrliginiń Tehnıkalyq retteý jáne metrologıa komıtetiniń tóraǵasy.
2019-2020 jyldary Saýda jáne ıntegrasıa mınıstrligi Tehnıkalyq retteý jáne metrologıa komıtetiniń tóraǵasy qyzmetin atqardy.
2020 jyldyń qarasha aıynan bastap qazirgi ýaqytqa deıin Máskeý qalasy Eýrazıalyq ekonomıkalyq komısıanyń Básekelestik jáne monopolıaǵa qarsy retteý jónindegi alqa múshesi (mınıstr) boldy.
Buryn osy laýazymdy atqarǵan Battaqov Erlan Erkinuly basqa jumysqa aýysýyna baılanysty qyzmetten bosatyldy.