Saýd Arabıasyndaǵy energetıkalyq nysandarǵa zymyran jáne dronmen shabýyl jasaldy, dep habarlaıdy Almaty-akshamy.kz 24.kz-ke silteme jasap.
Soqqy Saýdı Aramko (Saudi Aramco) munaı kompanıasynyń Djıdda qalasynda ornalasqan munaı ónimderin úlestirý stansıasyna berildi. Sonyń saldarynan eki qoıma otqa oranǵan. Jergilikti BAQ ókilderiniń habarlaýynsha, qazir órt baqylaýǵa alynǵan. Ázirge zardap shekkenderdiń bar-joǵy belgisiz. Shabýyldy ıemendik hýsıtter uıymdastyrǵany anyqtaldy. Aıta keteıin, hýsıt búlikshileri sońǵy ýaqytta álemniń eń iri munaı eksporttaýshysy sanalatyn Saýd Arabıasynyń energetıkalyq nysandaryna soqqy jasaýdy kúsheıte tústi. Osyǵan baılanysty resmı ár-Rıad jýyrda qandaı da bir shabýyldan munaı jetkizý isinde irkilis týǵan jaǵdaıda eshqandaı jaýapkershilik almaıtynyn jetkizgen bolatyn.
Saýd Arabıasynda munaı bazasyna shabýyl jasaldy
- Avtor Almaty-akshamy
- 06:04, 26 naýryz 2022
Cýret: Qazaqtimes.com